<النار بدات كل شي>
بارت 35
للكاتبة سجى المالكي
اللهم صل عل محمد وال محمد
••••••••••••••••••••••••••••••راجين،
الليل كله ماكدرت انام بسبب الكاله ايهممن الصبح كعدت وغسلت وغيرت ملابسي متوجهه لـ ادم
يمكن كلام ايهم اثر عليّ
يمكن اني ظالمه نفسي وظالمه ادم بقراري
لازم ابدي حياه جديدهدخلت للمطار اتلفت ادور بالوجوه
ادور بالعطور عل عطره
ادور بين الضحكات عل ضحكتهوفعلا لكيته كاعد ويتصفح بموبايله
ابتسمت ورحت يمه
رفع راسه شافني وانصدم
كام،-راجين شجابج!
همست-احبك ادم لاتعوفني وتروح
بلع ريگه وتوتر،
بدون وعي حضنته-مستعده اكمل كل حياتي وياك بس لاتسافر غير اني احبك شلون تعوفني
بعدني عن حضنه ونتر-مو انتِ نفسج الكلتي ما اتزوجك ويجوز اطلع سادي مثل ايهم مو انتِ نفسج الرفضتيني ياراجين ،شنو الغيرج؟
دمعن عيوني مقهوره من كلامه،
صاح-لاتمثلين دور البرائه لج انتِ شنو عبالج اني لعبه بيدج توديني وتجيبيني ليش من كتلج نتزوج رفضتي
ولمن هسى ردت اسافر اجيتي شنو راجين فهميني شنو الترديبجيت-والله احبك بس اكو شي بداخلي يمنعني من الزواج
سكت وزفر بضيق،
تنهدت ماسحه دموعي،-لاتسافر حباب
-لازم اسافر اني ماتحمل رفضج وعيونج الكلهن حب نحوي، تهت بين لسانج الرافض وعيونج التريد
بلعت ريگي ساكته،
تنهد -روحي راجين الله يسعدج اني جنت مجرد دكتور خلصتج من اثار الماضي
خلصتج من تأنيب الضمير
وكدرت ارجع الضحكة عل شفاهجخلصت قصتنا وكلمن بدربه"
همس-بعمرها راجين ماتصير لادم بس راح تبقى رجفه گلبه
هو كالها واني خليت ايدي عل حلكي وكعدت عل كرسي ابجي واشهك احس الدنيا اظلمت بعيني
احس فقدت انسان ماله مثيل بسبب غبائي
حسيت بخنكه مو طبيعية
زاد بجيي لمن كعدت اتذكر كل التفاصيل العشتها ويا ادمتنهد وكعد يمي،-لاتبجين هذا الردتي ابتعد عنج واني سويت التريدي ليش البجي بعد؟
اناشغ-لاتعوفني اني احبك ادم
لزمت ايده-والله احبك ليش هيج تسوي
مد ايده يمسح دموعي ويتنهد
أنت تقرأ
النار بدأت كل شي
Mystery / Thrillerرواية جديدة حقيقية مشهد، عطت -وخرر مني راح يموتون عوفني فرني اله ضربني راشدي قوي ذبيت حيلي بيده وكعت بالكاع ابجي اي واخيراً بجيت كمت ابجي وراسي على صدر **** همست بغصة-ماتوا واني سبب موتهم مسح راسي بهدوء-انتِ مو سبب موتهم هذا قدرهم التمت الناس و...