النار بدأت كل شي

بارت 29

<النار بدات كل شي>

بارت 29

للكاتبة سجى المالكي

اللهم صل وبارك عل حبيبنا محمد
••••••••••••••••••••••••

السادية،
باختصار هي اللذه بإيقاع الالم عل الاخرين
سواء كان لفظياً او جسدياً
فالشخص السادي هو شخص متسلط
عديم الرحمة
عديم المسامحة لمن اخطأ بحقه بقصد او دون قصد
يسعى بكل الطرق لتحقير واهانة واذلال الاخرين وسحق ادميتهم
وجرح كرامتهم
ويتلذذ بذلك ولا يشعر بالذنب عند ارتكابه الاخطاء ابداً
ويتصف بعدم الثقه بمن حوله..

ادم،
طول اليومين اشوف ايهم مو عل بعضه وجن ضام شي حاولت اعرفه شنو لكن يتهرب من سؤالي،
بيوم العزيمه بعدما خلصنا عشا سحبني ايهم لغرفته

ادم-احجي شنو ضامه صار ايام اراقبك شنو مافرحان بالعرس؟

ايهم-لا فرحان بس عندي شغله ومادري شلون اكولها

عكدت حاجبي-احجي

بلع ريگه وبانت عليّ علامات التوتر والحيره،

صغرت عيوني-ايهم لتبقى ساكت

-اني بيوم الاخذت مينا للمطعم ردت احجيلها السر بس هذا عمها خرب كلشي بجيته

كتفت اديه-اي احجيلي مدام الموضوع مصيري

جر نفس وكال،
-الكالي حل ادم اني سادي

وسعت عيوني مصدوم ورخت ملامحي من السمعته وكلماته ترن باذني،
اني الدكتور ادم الي اعالج الناس من الامراض النفسية
اخويه سادي! واني اخر من يعلم!!!!

لحظات واني ساكت ومامستوعب كلماته،

قاطع تفكيري دخول راجين المفاجئ،

راجين،
التفت لايهم وخزرته-جذاب ومحتال ومخادع لك شلون هيج تسوي باختي

انصدم من جيتها،

ادم-راجين سمعي الموضوع مو هيج

نترت-شسمع بعد؟كلي ادم شسمع؟يعني تتصور اخلي اختي تتزوج هذا مستحيل اخلي مينا تاخذ مريض نفسي

حجتها تأشر عل ايهم بسخريه،

نتر ايهم-وقابل شبيه هو مرض واكدر اتعالج

ضحكت باستهزاء-عود تقنعني تتعالج! شوف ايهم كلاواتك بيعهن عل وحده غشيمه وهذا العرس لو تنكلب السموات عل الارض ميصير

عاط ايهم بعصبية-وانتِ منو وتدخلين؟ باعي لج الموضوع زاد عن حده وتدخلتي هواي مينا احبها واخذها غصب عنج رضيتي ولمارضيتي هذا حايط ركعي راسج بي

صرخت-ما ازوج اختي لـمخبل

ماحس الا خدي اشتعل نار من ضربه ايهم وهو يعيط بعصبية وفاقد اعصابه بهل لحظه