وصية موت

💎البارت الثامن💎

#وصية موت
بقلمي*حوراء الخفاجي*

لاتنسون(التصويت+متابعة الحساب+التعليقات)

...🦋قراءة ممتعه🦋... 

"‏وقل للنفسِ إن فقدَت رجاها
‏وصارَ اليأسُ يوهنُها قواها
‏ثقي باللهِ، كم خافت نفوسٌ
‏مِن الدنيا وخالقُها كفاها
‏ستغمُرُنا السحائِب عن قريبٍ
‏بِبُشرى لا يُحاط بمنتهاها."

                          **********
ديلارا:-

أحياناً يتعرض الإنسان لموقف قاسٍ في الحياة،فيصبح الألم رفيق الإنسان طيلة حياته..
لا أحد يشعر بما أشعر به، أبكي، وأضيع، وأحتاج لحضن أمي لكي أرتمي به ولا أجدهُ ..!!
بعد فراق الأحبه أصبح كل شيء بطيئاً، أصبحت الدقائق والساعات حارقة وأصبحت أكتوي في ثوانيها، كنا معاً دائماً نتقاسم الأفراح والأحزان، كنا دائماً نحاول أن نسرق من أيامنا لحظات جميلة، نحاول أن تكون هذه اللحظات طويلة، نحاول أن نحقق سعادة وحباً دائمين، حاولنا دائماً أن نبقى معاً لآخر العمر، لكن لم يخطر ببالنا أنّ اللقاء لا يدوم وأنّ القضاء والقدر هما سيدا الموقف وأنّه ليس بيدنا حيلة أمام قضاء الله وقدره..

ڪعدت وحدي وبجيت واحس السبب مني لو اني باقيه بلبيت ومطالعه جان هسه اني ميته وياهم
اشتاقيتلهن هواي خسرت امهاتي ثنينهن بيوم واحد ماكو عقل يكدر يستوعب هلشي آري جانت ام الي صح جامدة وتصرفاتهه باردة بس ادري بيها شگد تحبني وتخاف عليه..
بجيت بجيت الى ان تعبت..
ديلارا التضحك والتسولف هواي وتتشاقة ماتت ويه اهلهاا.. اتغيرت هواي وصرت اسولف قليل، وابتسم مرات قليلة، اكثر وقتي مكضيته بين كتبي اريد احقق حلم آري واصير دكتوره وارفع راسها بيه..

تذكرت كلامهاا:-
آري: اريدج ترفعين راسي بيج ويكولون اخت المحامية آريا الـ___ دكتورة

ديلارا: اني اصير دكتورة..!!  مااصدك هو اني لو ماانتي اصلا ابطل

ريتان: ههههههههه ااخخ بطني... تدرين تضحكين احسج خطية

ديلارا: تضحكين عليه مو؟؟ 
رحت اركض للمطبخ جبت كلاص مي وطلعت اركض وراها وهي تركض وكفت قريبه من آري واني بيدي كلاص المي شمرته وصار على آري...

هناا آري انكلبت گتله من العصبية ضلت تصيح واحنه سكتنه رزلتنه رزالها معدلة...  وعافتنه وصعدت فوك

اخخخ حتى لعصبيتها اشتاقيت..
مسحت دموعي
وكعدت اقرا بلكتب..  واطلع فديوهات بلموبايل واقرا
واني مندمجه اندكت الباب..
ريتان محذرتني ماافتح الباب لأي شخص بس لعمو أبو حيدر

صحت منوو؟؟

أبو حيدر: اني بويه
حطيت شالي على راسي وفتحتها

أبو حيدر: ها بنيتي شلونج

ديلارا: الحمدلله عمو

أبو حيدر: محتاجه شي؟؟  اجيبلج شي تاكلي
ضايجه تردين اطلعج شويه..