وصية موت

💎البارت الثاني💎

#وصية موت
بقلمي*حوراء الخفاجي*

لاتنسون(التصويت+متابعة الحساب+التعليقات)

...🦋قراءة ممتعه🦋... 

‏لا زلت أصمت عندما يؤلمني أمراً ما ...

                        ************
ديلارا: فزيت من صفنتي على صوت أمي تصيح بـ أسمي

باوعت على الساعه لـ ڪيتها بـ 6 ونص طفرت  من فراشي ڪبل رحت غسلت وجهي وغسلت أسناني وعفت الغرفه على هوستها وطلعت منها

أريج: مادكوليلي وينججج  صار ساعه اصيح ماابيه حيل اكوم واجيج

ديلارا: صباح النور حبيبتي شكرا على استقبالج الجميل الي

أريج: ههه ام اللسان منو يكدرلج

ديلارا: اوي ماما ترا اني فقيره بس انتو تجبروني اطلع لساني

أريج: ديلا تعاي اكلي ماضل وكت

:-رحت بستها وكعدت يمهاا اكل
خلصت شلت الاماعين وياها خليتهن بلسنك علمود من تكعد ريتان تغسلهن لانه هي اليوم عدها اوف (يعني عطله) فهي تغسلهن

رحت لغرفتي بدلت بسرعه

أني طالبة مدرسة عمري 17 سنة صف خامس علمي
آريا هي التعبت عليه وخلتني اوصل لهلمرحله 
لانه اني وحده تكره الدراسه بس اخاف من آريا واقرا لانه آري تعرف نقاط ضعفي وتلزمني من ايدي التوجعني اذا ماقريت

لو تحرمني من الموبايل لو تحرمني من التلفزيون لو تحرمني من الطلعه لو تحرمني من المصروف
فـ اني مثل الابنيه الشاطره غصب عني اكوم اقرا ولازم درجات عاليه يلا ترضى عليه ست آري

طبعا اني شگره هواي يعني شعري اصفرر وحواجبي هم كم مره ردت اصبغ شعري بس آريا تتخبل عليه اذا افتح الموضوع دائما جملتها المميزه الي اتخليني اسكت واقتنع هي..

آريا: شگلج المميز منطيج جمال فوك جمالج

طبعا اني هواي احترم آري لانه هي أم الي مو بس اختي وفارق العمر جبير بيناتنه..

آريا عمرها 27 سنه واني 17 يعني عشر سنوات هي اكبر مني..

حتى ريتان وامي يحترمنها هواي لانه آريا هي فارضه احترامها علينه صح هي صعبه وشديده هواي ومرات اتكون قاسيه بس دائما لمصلحتنه من خوفها علينه
وندري بيها شكد تحبنه بس هي ماتظهر النه ابدد شخصيتها جامده بس مرات تظهر اهتمامها وحبها بس لأمي واحنه ويانه مثل الجليد بس ندري بيها تحبنه هواي ومن تسوي فدشي النه متحب واحد يشكرها ابد ادكول انتن مو غريبات علمود تشكروني فلذالك اي شي تسوي النه نكتفي انو نبتسم الها بامتنان وبس