وصية موت

💎البارت الخامس عشر💎

وصية موت
بقلمي*حوراء الخفاجي*

لاتنسون(التصويت+متابعة الحساب+التعليقات)

...🦋قراءة ممتعه🦋... 

'' أبحثُ عنكِ،
‏بين سطور الكُتُبِ والقصائِد،
عن كلمةٍ تقصدكِ،
‏عن جمالٍ يُشبهكِ،
‏لكن دائمًا ما أعود خالي الوِفاض،
‏لأنكِ أجمَل،
‏وأبلَغ مِن اللُغَةِ،
‏وكُلُّ القصائِدِ والمَعْزُوفَات."
لقائلها.

**********

ديلارا:-

من بعد ماريتان اتصلت عليه وكالت عدها شغل وتتأخر كعدت اقرا.. 
شوي ومليت.. 
ضليت أكلب بلكتب بس بدون واهس.. 

صار العصر وريتان ماكوو.. 
قلقت هواي..  اتصلت عليها طلع الجهاز مغلق
يمكن مخلص شحن جهازها.. 
ضليت كاعده وحدي وافكر
اذا طلعت معدل عالي منو يفرحلي!! 
منو تشتريلي هديه..
تذكرت آري بكل نجاح النه جانت اطلعنه وتشريلنه الي يعجبنه
.. مر طيفهم عليه واتخايليت شلون جنه قبل

طيفكم مر
بالعيون
وكعدت وياكم ساعه
وعاتبتكم
فجأه وراح طيفكم
وفزت الروح
كلبت اليوم كله ومالكيتكم .

بجيت هواي واحس كل شهكه تشك گلبي وتطلع..  اهلي ذوله اهلي مااكدر اتخطاهم..

سمعت الباب يندك..  بدكات خفيفه عرفت هذا عمو ابو حيدر.. 
مسحت دموعي وحطيت شالي على راسي وفتحت الباب..

ابو حيدر: هاابويه شلونكم

ديلارا:  الحمدلله عمو.. 

ابو حيدر: شبيهن عيونج بنيتي

ديلارا:  ماابيه شي بس تذكرت اهلي

ابو حيدر:  الله يرحمهم ويصبركم على فراكهم

ديلارا:  الله يسلمك..
عمو اختي ريتان طلعت من الصبح لحد الان ماارجعت واتصل عليها الجهاز مغلق بالي ضل يمها فدوه شوفها وين صارت..

ابو حيدر:  وين طلعت؟؟

ديلارا:  هي راحت لشغلها بشركة الـ____
ودائما ترجع بـ 2 الظهر بس اتصلت عليه كلتلي تتأخر عدها شغل بس ممعقوله اكو شغل لحد الان!!!

ابو حيدر:  يصير خير ان شاءالله بويه يصير خير

عافني وراح وحسيت بي توتر هواي!!
يمكن من خوفه على اختي..

سديت الباب وفتحت تلفزيون وكعدت أباوع..  وبالي يم ريتان بس لانه انطتني خبر وكلتلي اتأخر شوي مطمئنه..

ضليت كاعده وحدي بلبيت ومشغله التلفزيون وشوي ندمجة بلمسلسل

اندكت الباب استغربت منو يدكهاا !!! محد يجينه
ودكتها تختلف عن دكة عمو ابو حيدر
واختي عدها المفتاح