وصية موت

💎البارت الثامن عشر💎

#وصية موت
بقلمي*حوراء الخفاجي*

لاتنسون(التصويت+متابعة الحساب+التعليقات)

...🦋قراءة ممتعه🦋...

أرسّم بَيك أمس وابچِيّ
ومَدري البيه شِيفضه
وخُفت لتشُوفني شلُونيّ
رِسمت عيُونك مغمضهَ ...

**********

ريتان:-

من بعد ماعرفت اركان هو نفسه أبيل الي نقذ اختي عشت بحالة صدمه بس ماحجيت شي كدام ديلارا
ليش خفه عني اسمه الحقيقي؟؟
احتمال يكون اسم ابيل هم اسم مستعار؟؟
شنو السبب الي خلاه هيج يسوي؟
كل هاي الاسئله ادور ابالي واجوبتها كلهن يم اركان..

مرت الايام والاسابيع واحنه كاعدين بهذا البيت ومانطلع ابد واركان مااشفته ابد من آخر مره وصلني بيها للبيت واختفه بعد...
وملهم بين فتره وفتره يطمئن علينه من الباب ويروح ويجب وياا كل الشغلات الي نحتاجها..
قوة علاقتنه بي هواي.. وصار قريب علينه...

وبيوم اتصل عليه..
ملهم: السلام عليكم ست ريتان

ريتان: وعليكم السلام هلا بيك

ملهم: شلونج

ريتان: الحمدلله

ملهم: ديلارا شلونها شلونه وضعهاا؟

ريتان: زينه بس لحد الان دتفز من نومها على كوابيس

ملهم: حقها المرت بي مو قليل الله يكون بعونها

ريتان: الحمدلله شسوي

ملهم: اني عازمكم على عرس أخويه

ريتان: الف مبروك

ملهم: ربي يبارك بيج.. وهسه ماريد اعذار اريدكم تجون وتتعرفون على عائلتي

ريتان: ان شاءالله تدلل..
سكتت وصفنت ماعرف شحجي بس ماعدنه ملابس شلون نروح ماادري فززني من صفنتي صوته

ملهم: ست ريتان

ريتان: اي وياك

ملهم: بلنسبة للملابس اذا تحبون وصو من النت واحنه نجيبهن الكم واذا متردون العصر اجيكم اني واخذكم للسوك وتدللون

ريتان: احنه دنتعبك هوايه

ملهم: حاسبجن خواتي لاتحجين هيج

ريتان: شكراً الك الله يسعدك ان شاءالله

ملهم: تدللون..

سد الاتصال.. رحت على ديلارا سولفتلها مااقبلت تروح

ديلارا: ماروح اني

ريتان: ليش

ديلارا: اخاف من التجمعات مااكدر

ريتان: ياعمري انتي ادري كل المريتي بي صعب واعرف شكد نفسيتج تعبانه بس خلي نروح بلكي تتغير نفسيتج للاحسن. وفشله من ملهم اول مره يطلب من عدنه طلب وهو مااقصر ويانه ابد