وصية موت

💎البارت العاشر💎

#وصية موت
بقلمي*حوراء الخفاجي*

لاتنسون(التصويت+متابعة الحساب+التعليقات)

...🦋قراءة ممتعه🦋... 

يگول..
انه لو حلفوني بـ عينها شيردون ؟
من اتفه سالفة لاكبرها أحچيها ♥️

                           **********

أنتباه:-بهذا البارت راح نحجي عن ماضي إياس وملهم بتفصيل لانه مترهم أعبر لغير أحداث وانتو ماتعرفون مااضيهم..

سحلنه من ملابسنه وشمرنه بغرفتهم هو وامي شفنه امي بمنظرررر ماايكدر عقلنه الصغير يستوعبه ...!!!!!!
وجهه وجسمها مدمه وملابسها  لازكه عليها من ضرب  بحيث مغمي عليها من الضرب

رحنالها نركض انحرك بيها ماتتحرك

اجانه زوج امي شالنه بديناته وشمرنه على الجربايه ولزم الصونده ويضرب بـ أمي وهي مغمى عليهاا!!!

راحله إياس يسحب بي ويضربه بيده  ويريد يوخره عن أمي

إياس بطفولته وكح وماايخاف من أحد بس مجان يعرف انو  بهاي  تصرفاته راح يذب نفسه بلـ تهلكة..

هذا من شاف إياس يدفع بي انگلب شيطان..
لزم إياس رفعه من ملابسه

__ولك تمد ايدك عليه؟؟؟  سهله سهله

رحت اركض  عليه واريد اسحب اخوي منه بس مانگدرله احنه صغار وهو وحش گدامنه..
شالنه ثنيناتنه وطلعنه بره بلحديقه واحنه نبجي ونصيح أدهم ماما بس ماكو اي جواب

فتح الغرفه مالته الي بلحديقه  وشمرنه بيهاا وهو طب ويانه وقفل الباب
ضل يباوعلنه بنظرات شويه ويوكف كلبنه من الخوف

باوعت للغرفه الي بلحديقه ضلمه وبيها گلوب احمر وبيها ادوات حديد ماعرفن شنو هنه بس هواي حديد واكو فدشي صغير مثل الطباخ راحله وشغلها وحط عليه حديده تشبه حدوة الفرس خلاها على النار وسحب الحزام ولزم إياس شمره بلزاويه وبده يجلد بي وإيااس صوته راح من الصياح والبجي

مااتحملت اشوف أخوي بهلمنظر رحت اركض عليه لزمني من شعري وشمرني ويااا وضل يضرب بينه ثنينه
واحنه اصواتنه راحت من البجي والصياح

اتقدم على إياس ولزمه من شعره وكله

__تمد إيدك عليه موو؟؟  تمد إيدك عليه يا ****
ضل يفشر على إياس بفشار اول مرا بحياتي اسمعه

راح للنار شال هاي الحدوة مال الفرس بشي حديد لانه صارت حمرررره من الحراره
إياس لابس بجامه برموده ماايكدر ينام بشي طويل حتلو بارده.

  لزم إياس ربطه وجاب حدوة الفرس وخلها على رجل إياس

هنااااا مااكدر اوصف شصاااااار بـ إياس ضل يرفس مثل الحمامه المذبوحه وبسرعه اغمه عليه