وصية موت

💎البارت الرابع عشر💎

#وصية موت
بقلمي*حوراء الخفاجي*

لاتنسون(التصويت+متابعة الحساب+التعليقات)

...🦋قراءة ممتعه🦋...

خـلينه النوارس على الحجي شهود..
ودفنـه أسرارنه بـفي البساتين ..!!

**********                         

ريتان:-                                                             

أشرلهم بيده وهمه تقربو عليه حطو الوايرات على ايدي
وجسمي كله صار يختض من الكهرباء وصرخت صرخه اقوه من القبلها..

وخرو الكهرباء عني واني احس النفس بده ينگطع.. رجع كرر سؤاله بس اني حتى طاقه للكلام بعد ماعندي..
اشرلهم يرجعون يكهربوني.. رجعو قربو الوايرات مني.. بس قبل ليوصلن ألي اجتهم دفره قويه شمرتهم
واجه صوت بذاني..

__ كااااافي عوفووووووها ..

واني حسيت النفس انگطع و فقدت الوعي....

كعدت ورا فتره مادري شكد مرت شفت نفسي بلمستشفى فتحت عيوني وركزت زين شفت أركان كاعد على الكرسي.. بس شافني فتحت عيوني كام وكف كدامي ومبين على وجهه القلق.

أركان: هاا شلون صرتي؟

صحت بصوت نااصي
ريتان: مي مي

جاب المي من الميز واجه وكف كدامي بس اني مااعندي طاقه اتحرك . باوعلي وحااير شلون يشربني المي

أركان: عادي اني اشربج؟؟

هزيت براسي.. لزمني من ايدي رفعني وعدل كعدتي وحط المي قريب من شفايفي وشربني بهدوء..
كملت ورجعت راسي على المخده وغمضت عيوني احس جسمي تعبان..

رجعت فتحت عيوني لكيته صافن عليه..

أركان: هاا !!!!

ريتان: هااا؟؟

أركان: شدتحسين هسه..؟

ريتان: ما اكدر اتحرك احس جسمي ميت

أركان: هاي اثر النتلات الكهربائيه لانه جانت قويه

ريتان: انت الخطفتي ليش جيت نقذتني منهن لوو مخليهم يموتوني ويخلصووني من هلـحياة

أركان: راح ارجعج لبيتج

باوعتله متعجبه ومصدومه من كلامه!!!!!!
ريتان: شنو السبب الخلاك راح ترجعني من بعد ماخطفتني وخليتهم يعذبوني