وصية موت

💎البارت السابع عشر💎

#وصية موت
بقلمي*حوراء الخفاجي*

لاتنسون(التصويت+متابعة الحساب+التعليقات)

...🦋قراءة ممتعه🦋...

لـسان حال إياس..

أنا السموني مجنونـچ.!!
انا عيوني تسولف عالغرام ويّــاچ
ومن عيونج أعرفج وأحب عيونـچ
ما أحب الوكت لو خلص بلــيّاچ
بالقرآن محد حبچ بگـــــدي
وإذا تعوفيني صدگيني ما أعوفـچ
لأنْ غيرج محب بالدنيا ماعندي ...

ردت آريا..

تعال وياك أخذني وخـــــل نروح آبعيد
ونعيش الفرحه كافي وخل نعوف الهـمّ
تعبنه الوكــــــــــت والقدر بينه يدوس
مجروحين آحنه والجرح يلجـــــــــــم
محد بينه داري وعذبانـــــــه الحــآل
وألك هذا الحچـي يـلّ وحــــدك آلتفهم
كل شي يخـون بينه لكن انّـه ويّـــــآك
أبد منخون حبنه وربك اليعلـــــــــــــم..

**********

{ 2021/11/21 }

::-لقد جاء موعد زفافي..
الزواج هو سنة هذه الحياة، الزواج نصف الدين و من أجمل اللحظات التي تدخل الفرح إلى قلوب العروسين، وأهاليهم وأصدقائهم...

وبهذا اليوم أني ڪاعده گدام المرآيه وحدي ودموعي تنزل..

هواي محتاجه أهلي محتاجه أمي تنصحني وتفهمني وتهدئني وتوخر القلق الي بداخلي بكلامها الحلو..

محتاجه أبويه يلمني بحضنه ويڪول نفس ابوها كبرت وصارت عروس..

محتاجه ضحكة خواتي وفرحتهن بيه وحمااسهن شلون راح يرگصن ويهلهلن ويصفگن..

كل هاي الاشياء اني محتاجتهاا وبقت حسرات بگلبي ومااگدر اعبر عنهن غير بس بلدموووع...!!!

صفنت على نفسي بلمرآيه .. هم يجي يوم وارتاح بي؟؟

رجعت بيه الذكريات للأحداث الصارت قبل أسبوع.

اندكت الباب حيل وبقوة مرعبه.. تقربت بهدوء وصحت

آري: منو؟؟

أجاني صوته عصبي وبي نبرة خوف

إياس: فتحيييي أني

فتحت الباب وأول ماادخل حضني بلهفه وأشتياق وخوف..

إياس: خوو ماابيج شي البنات ماابيهن شي؟؟ مااتأذيتواا؟؟

ابتعدت من حضنه ولزمت أيده بين أيديه
احاول اطمنه واهدئه

آري: ماابينه شي اهدء مااكوو شي كل احنه بخير الحمدلله