وصية موت

💎البارت السابع💎

وصية موت
بقلمي*حوراء الخفاجي*

لاتنسون(التصويت+متابعة الحساب+التعليقات)

...🦋قراءة ممتعه🦋...

غـــدار الزمــن طشر لمــتنـه...💔  

                             **********

ثاني يوم كعدت الصبح باوعت على ديلارا نايمه وعيونها مورمه ووجها بي خراميش  ماال اظافرهاا

رحت فتحت الباب مال الغرفه شفت بوجهي واحد ملثم  بس عيونه طالعة يباوع على المكان من الخوف سديت الباب وقفلتها ووكفت وراهااا...

ريتان: ياربي ياربي احفظنه والله مابقتلي بس اختي ياربي  لاتعوفنه راحت أمنه وراحت اختنه وسندنه الي جانت تضحي بروحها لخاطرنه لاتعوفنه ياربي.
احجي بصوت عالي وابجي ومغمضه ومادري بنفسي..

فزيت على ايد ديلارا تهز بيه

ديلارا: شبيج ريتان شكوو دترجفين

:-بسرعه جريتها لحضني واستمريت بلبجي...
ياربي لاتعوفنه ياربي احسني تهتسرت ماعرف شصار بيه اجه ابالي الحرك مال بيتنه وشلون أمي وآريا اكلتهم النار انهااااريت بلبجي وصرت ادك والطم واملخ بخدودي وديلارا تبجي ويايه مرت علينه ايام محد يحس بيها وشكد مااوصف شعوري مااكدرر عشنه شهر كامل بس بجي ونوم وانفز مرعوبات على اهلنه وماانطلع من باب الغرفة ابد وديلارا فد مره اتأذت تنام وتكعد وتصيح بسببي ماتو بسسبي راحو حسيتهاا راح تتخبل ضليت احجي وياها واهدء بيها واني حالتي اسوء من حالتهاا ...
مرت هذا الشهر علينه بصعوبه حيل ضعفنه هواي واتغيرت ملامحنه اكلنه قليل حيل خلف الله على عمو ابو حيدر الي استقبلنه بهاي الغرفه وهو يجيبلنه اكل بلي يكدر عليه .. 

استمرت حالتنه هيج بحيث الي ييشوفنه يبجي على حالنه يومنه عباره عن بجي ولطم وناكل اكل قليل حيل وانام ويوميه نفز من نومنه على كوابيس تخووف حيل

وبيوم قررت انو كافي لازم نوكف على حيلنه حتى امي وآري هسه حزنانين علينه.. لازم اكون قوية..
رحت كعدت ديلارا من النوم وبلكوه تفتح عيونها من البجي..

ريتان: ديلارا  اريد احجي وياج بموضوع وااتمنه تفهميني انتي مو صغيره

ديلارا: احجي

ريتان: اليوم اجتني امي بلحلم زعلانه علينه وكالت كافي يمه كل دمعه منجن دتأذينه حيل كافي بجي وصيرن قويات وآري تسلم عليجن تكول اريد تصيرن قويات ووحده اتصير سند للثانية

:-ديلارا تسمع كلامي وتبجي فرفح كلبها من البجي مسحت دموعها وحضنتها حيل اريد اطببها بگلبي..
صح جذبت عليها بس مضطره لانه ادري بيها عنوديه وماتسمع كلامي بس جانت تسمع كلام امي وجانت تنجبر تسمع كلام آري
اولا: لانه تحترمها هواي
وثانيا: آري جانت تعرف شنو نقاط ضعفها فتلزمها منهن وهي تنجبر تسمع كلامهاا..
وحسيت راح افقد اختي وهي الوحيده البقتلي من ريحة اهلي فضطريت اجذب عليها.