وصية موت

💎البارت الواحد والعشرون💎

#وصية موت
بقلمي*حوراء الخفاجي*

لاتنسون(التصويت+متابعة الحساب+التعليقات)

...🦋قراءة ممتعه🦋...

بين الحلم والمو حلم بس انت أبالي
وغيرك شكد شايف بشر بس انت
شو تحلالي
**********

ريتان:-

فتحت عيوني لكيت نفسي بلمستشفى.. احس عيوني متنفتح بسبب البجي والتعب..

رجعت غمضت.. سمعت اصوات يمي... ومن بينهم ميزة صوته اي هوو هوو حسيت بي واكف يمي وانفاسه ضربت على وجهي..

أبيل:ڪناري بس ڪومي مو هديتي حيلي..
كلشي تردي يجرالج..

:-سمعت بس هذني كلماته وبعد ماحسيت بشي

مادري شكد مر وقت وفتحت عيوني شفت خواتي وملهم وإياس فوك راسي..

وبس شاافوني فتحت مااكدر اوصف فرحتهم

ملهم: اللهم صلِ على محمد وآل محمد

آري: فدوا اروح لأسمها ام البنين مااقصرت

اجت ديلارا حضنتني وتبجي وآري دموعها على خدها ولازم ايدي..

آري: شلون صرتي يروحي

ريتان: الحمدلله زينه

إياس: وكعتي كلوبنه يخويه

ريتان: ليش اني صارلي كم يوم اهنا؟؟!!

ديلارا: اسبوع انتي ناايمه وعايشه على المغذيات بس

انصدمت .!!!!
7 أيام اني بالمستشفى؟؟

حجه ملهم يلطف الجو..

ملهم: ياابه هاي ديلارا خبصتنه يوميه مسويه قرايه وادك وتلطم عليج

باوعتله ديلارا بنظرات معاجبها كلامه..

ديلارا: اختي تراا هااي وبعدين لتكبر الموضوع هو بس ابجي ماالطمت..

ضحكت آري وابتسم إياس..

صفنت.. عليهم ودموعي اجمعت بعيوني..
هو ماموجود بيناتهم

حجيت بصوت يي غصه
ريتان: وينه؟؟؟

سكتوو ومحد حجه

.. داحجي ويااكم ويييينه وين أبيل؟؟؟؟

آري: هدئي عمري ماابي شي أبيل

ريتان: ليش مو وياكم هنا لعد؟ بطل يحبني مو؟..
عافني وراحله..

شهكت بصوت مسموع وبجيت..

اجن خواتي كعدن يمي يحاولن ميخلني ابجي لانه موزين عليه

آري: كافي يروحي لترحين تتخربطين مره ثاانيه

ريتان: آري عافني موو بطل يحبني مثل قبل
صارت عنده وحده ثانيه غيري