وصية موت

💎البارت الأخير💎

#وصية موت
بقلمي*حوراء الخفاجي*

لاتنسون(التصويت+متابعة الحساب+التعليقات)

" تعليقاتڪم الحلوه اريدها "

...🦋قراءة ممتعه🦋... 

::- قالوا عن عوض الله..
إن لم يأتيك ما أردت، سيأتيك ما قد يُنسيك كل ما أردت.

*********************************

من بعد ما آري شاافت أدهم بنفس اللحظه اجتها نوبة الصرع ووكعت بلگاع وترفس مثل الحمامه المذبوحه وعيونها انگلبن راح السواد مالتهن بقه بس البياض..

لزمناها اني وإياس وهي ترفس بيدنه طلع البنات يتراكضن.. وديلارا فرفحت من البجي على اختها..

جابت غصن علاجها بلڪوه خلينه الحبايه بحلكها.. وبلعتها بدون مي..
شالها إياس وركض بيها للغرفه...

وراحن وراهم البنات..

كعدت ڪدام ادهم..
::- انت منو؟؟؟؟

نزل عيونه وماباوعلي..

صحت بي بصوت عالي
::-انتتتتت منوووو؟؟؟

رفع راسه باوعلي..  ودمعن عيونه..
أدهم:- والله هوو هوو الي خلاني اتورط هيج جان يقرا براسي من جنت طفل لحد الان.

ملهم:  انت كلتها من جنت طفل هسه شنو عذرك انت جبير وعندك عقل مااكدرت اتفكر صح؟؟
مااكدرت تشوف الدنيا من منظور ثااني..؟

أدهم:-ماادري مااادري غرتني الفلوس واتعودت على هلشي

من حجه هيج احس فقدت عقلي..
ملهم:  ليشششششش ليششششش مو انت اخونه الچبير واني جنت دائما وياك حتلو اشوفك غلللط بسس ابقه ادافعلك لانه معزتك بكلبي جبيره ليشش هيج سويت ادهم.. عفواً!!  الهر الاسود موو؟؟

من صحتله بهذا الاسم نزلت دمعته وبسرعه مسحها وبقه سااكت..
ضليت كاعد كدامه وحاط راسي بين ايديه وصاافن بلوضع الي ديصير..

ادهم هو الهر الاسود..  يعني اخويه هو القتل ام زوجتي وعائلة زوجة اخويه وزوجت صديق عمري..

اخخخخخ شي ما أكدر استوعبه احس نفسي صرت بدوامه وماعرف بيمن افكر وشنو افكر اصلاااا

أحس النفس صار يچوي گلبي اخووي هذااا اخوووي هيج طلع مجرم.!!!!

ساد الصمت بيناتنه...
دقايق وطلع إياس من الغرفه مثل الاسد الغاضب.!!!
لزم ادهم من ملابسه ورفعه هو ادهم اضخم منه بس ڪدر يرفعه..