Fallin'Harder (Completed)

09

(Love is like a small lamp... it gives warmth as well as burning)

! UNICODE!

"ခင်ဗျားကတစ်ကယ်ပဲ ဘာဖြစ်စေချင်နေတာလဲ!!"

Ricky မျက်ဝန်းများက ‌ဒေါသကြောင့် နီရဲနေသည်။လက်သီးအား ကျစ်ကျစ်ပါအောင်စုပ်ထားရင်း သူ့အမေရှေ့သို့ရပ်လိုက်ပြီး ထိုလူအား မော်ကြည့်လိုက်၏။

Rickyဧာ်စူးရဲနေသော မျက်ဝန်းများအား ဟက်ခနဲလှောင်ရယ်ပြီးနောက် ထိုလူဟာ အိမ်ထဲသို့ တစ်လှမ်းချင်းဝင်လာခဲ့ပြန်သည်။ထို့နောက် ဧည့်ခန်းရှိ ဆိုဖာပေါ်၌ အကျအန ခြေချိတ်ထိုင်လိုက်ပြီး...

"မင်းအမေကို မသနားဘူးလား... Ricky Shen။ဒီနိုင်ငံမှာ ဒီရောဂါကို ပျောက်အောင်မကုပေးနိုင်တာ မင်းလည်းသိနေတာပဲ။လိမ်လိမ်မာမာနဲ့ ပြင်သစ်ကိုထွက်သွားစမ်းပါ ဟုတ်ပြီလား?"

"ဒီလိုတွေပြောနေရအောင်...ဥက္ကဌShenက ကျွန်တော်နဲ့မားကို ဘယ်‌တုန်းကများ တစ်ချက်လှည့်ကြည့်ခဲ့ပေးခဲ့ဖူးလို့လဲ? လူ့လောကထဲကျွန်တော်မရောက်လာခင်ကတည်းက ကိုယ်ဝန်လွယ်ထားရတဲ့မားကို ခင်ဗျားပဲ ထားပစ်ခဲ့တာမဟုတ်ဘူးလား!!!! ကျောင်းစရိတ်ထောက်ပံ့ပေးတာကလွဲပြီး.....ခင်ဗျား‌ဘယ်နေရာမှာ အဖေတစ်ယောက်တာဝန်ကျေပွန်ခဲ့ဖူးလို့လဲ!!!
အဲ့ဒီ့နေ့တုန်းက ဘာလို့ ကျွန်တော်တို့ သားအမိနှစ်ယောက်ကို ပစ်ချထားခဲ့တာလဲ!!!!..."

တိတ်ဆိတ်နေသော အိမ်ကလေးသည် ရုတ်ချင်းပင် ဆူညံကာ တုန်လှုပ်ဖွယ်ရာဖြစ်သွားတော့ သည် ။ လေထုထဲ၌ သွေးနံ့များ၊ယမ်းနံ့စိမ်းများ ရတော့မလိုပင်...ယောကျာ်းသားနှစ်ယောက်၏ ဒေါသတရားသည် လေထဲ၌လွန့်လူးကာ ပြိုင်ဆိုင်နေကြ၏....။မည်သူတစ်ဦးတစ်ယောက်မျှ အလျှော့ပေးမည့်ပုံမပေါ်သည့်အပြင် နှစ်ကာလရှည်ကြာစွာရှိနေသော အမုန်းတရားများကလည်း မှန်းဆ၍ပင်မရနိုင်အောင် များပြားလှပါသည်။

"ကောင်းပြီလေ Ricky Shen...မင်းအပေါ်မှာ ဖခင်တာဝန်မကျေပွန်ခဲ့ဘူးဆိုရင်တောင် မင်းရဲ့ပညာရေးကို ငါကပဲထောက်ပံ့ပေးခဲ့တာ‌လေ။အဲ့တော့...မင်းအပေါ်မှာ ငါ့ရဲ့ကျေးဇူးတွေရှိတာ မင်းငြင်းဖို့မကြိုးစားနဲ့!! မင်းလုပ်ရမှာ အဖိုးကြီးရဲ့အမွေတွေကိုငါ့ဆီယူလာပြီး ပြင်သစ်မှာ မင်းအမေကို ဆေးသွားကုရမှာပဲ....ပြင်သစ်က ငါ့ကုမ္ပဏီရှယ်ယာအကုန်လုံးကိုလဲ မင်းကို အမွေအဖြစ်ပေးမယ်။လုပ်ငန်းတွေအားလုံးနဲ့ မင်းသွားဖို့ကိုလဲ ငါစီစဉ်ပြီးပြီ...မင်း ဒီတစ်ပတ်အတွင်း သွားကိုသွားရမယ်!"
.
.
"အားးး!!!!ထွက်သွား!!! ထွက်သွားကြစမ်းပါ မလာနဲ့!!!! သွား!!!"