!UNICODE!
မှုန်ဝါးနေတဲ့အတွေးတွေထဲမှာ ကလေးလေးတစ်ယောက်က ပုခုံးလေးတွေတသိမ့်သိမ့်တုန်ရီနေတဲ့အထိ ငိုနေခဲ့တယ်...။ဒူးနှစ်ဖက်အားပိုက်ကာ....ဘောလုံးလေးတစ်လုံးလို ကိုယ်ကိုကွေးထားပြီး မျက်နှာကိုလည်းဝှက်ထားသေးတယ်။
သူ့အဖေကပြောတယ်....
"မင်းကအစကတည်းက မွေးဖွားမလာခဲ့သင့်တာ"တဲ့....
ပြီးဝောာ့ ပတ်ဝန်းကျင်ကလည်း သနားတဲ့အကြည့်တွေနဲ့သူတို့သားအမိနှစ်ယောက်ကို လှောင်ပြောင်ချင်နေကြတယ်။သူသိတာပေါ့...ဘာမှနားမလည်တဲ့ကလေးတစ်ယောက်ကတောင်...ကြောက်စရာကောင်းတဲ့ သူတို့အတွေးတွေကိုနားလည်နိုင်တဲ့အထိ သူတို့တွေက အရမ်းကိုမှ စာနာစိတ်ကင်းမဲ့လွန်းကြတယ်။ ပြီးတော့ သူတို့ပါးစပ်ကနေလည်း...အချိန်တိုင်းပြောနေခဲ့တာ...
"အမလေး..သနားစရာကောင်းတဲ့ကလေးလေး....ဖအေက နောက်အိမ်ထောင်နဲ့သူတို့သားအမိနှစ်ယောက်ကိုပစ်သွားတယ်လေ! မအေကလည်းတစ်ခြားနိုင်ငံကနေလာခဲ့တာ...ငါတို့မိခင်ဘာသာစကားကို လေးလုံးကွဲအောင်တောင်မပြောတတ်ဘူးတဲ့!...နုံအလိုက်တဲ့မိန်းကလေးဟယ်! မိုက်မဲလိုက်တာ လွန်ရော!!!"
အတန်းဖော်တွေကလည်း သူကို အနိုင်ကျင့်ကြတယ်။
"ဟားဟား!! အဲ့ကောင်နားမကပ်နဲ့!! သူကမိဘမဲ့ကွ! သူ့အဖေကသူ့ကိုမလိုချင်လို့ပစ်သွားတာ! သူ့မျက်နှာကိုကြည့်လိုက်အုန်း...ဘယ်ဥကပေါက်လာတာမှန်းမသိဘူး ရုပ်ဆိုးလိုက်တာ!! မင်းတို့သူ့အနားကပ်ရင် သူ့ဆီက ကံဆိုးမှုတွေအကုန် မင်းတို့ဆီကိုပါကူးလာလိမ့်မယ်!!"
သူ့မှာငယ်ငယ်ကတည်းကသူငယ်ချင်းဟူ၍ မရှိခဲ့။ဆရာတွေကအစသူအနိုင်ကျင့်ခံရတာကို မသိချင်ယောင်ဆောင်ပြီး လက်ပိုက်ကြည့်နေကြတယ်။တစ်နေ့အဲ့ဒီ့အကြောင်းကို မားသိသွားတော့....အလုပ်ကနေကျောင်းကိုရောက်လာပြီး တစ်ကျောင်းလုံးနဲ့ရန်ဖြစ်ခဲ့တာ.....
သူအရမ်းလန့်သွားတာပဲ! သူ့အမေက သူမပြောနိုင်တဲ့စကားလုံးတွေနဲ့ ဆရာတွေကိုလက်ညှိုးထိုးအပြစ်တင်ပြီး သူ့အရှေ့ကနေ တစ်ယောက်ထဲရပ်တည်ပေးခဲ့တယ်လေ....ဒါပင်မဲ့ အိမ်လည်းရောက်ရော သူမရဲ့ရဲရင့်မှုတွေ၊သူမရဲ့သတ္တိတွေက အကုန်လုံးပျောက်ကုန်တယ်...
YOU ARE READING
Fallin'Harder (Completed)
Fanfiction• Ricky fell first but Ji fell harder • Kim Ji Woong+Ricky Shen //WoongRi// written by blue_berryke
