!UNICODE!
ချွမ်ရွေ့ဘက်ကမည်သို့မျှဖြေရှင်းလာပုံမရှိသောအခါ အံတင်းတင်းကြိတ်ထားသောဥက္ကဌShen၏ဒေါသများ အပြင်သို့ပေါက်ကွဲထွက်လာတော့သည်။ထို့နောက်ထိုလူကြီးမှာ သူ့အရှေ့ရှိကျွန်းစားပွဲကြီးအား လက်ဝါးဖြင့် ဘန်းခနဲမြည်အောင်ရိုက်ချပစ်လိုက်တော့သည်။
တိတ်ဆိတ်ငြိမ်သက်နေသော ပတ်ဝန်းကျင်ဟာ ချက်ချင်းပဲတုန်ခါသွားသလို......
"Shen Quan Rui!!!! ဖြေစမ်း! မင်းဘာလို့အခုမှဘာမှမပြောတာလဲ!!!"
"ဟုတ်တယ်! Ji Woong နဲ့ ကျွန်တော်က အဲ့လိုဆက်ဆံရေးမျိုး..."
သူ့အသံဟာ ဘာကြောင့်ရယ်မသိ အဖျား၌ တိုးဖျော့သွား၏။
"ဘာ! ဘာကို ဘာဆက်ဆံရေးလဲ!!"
လက်သီးအား ကျစ်ကျစ်ပါအောင်ဆုပ်ထားရင်းချွမ်ရွေ့ဘယ်ကဘယ်လိုရလာလဲမသိသော သတ္တိများအားအကုန်ထုတ်သုံးလိုက်ကာ သူ့မျက်နှာချင်းဆိုင်တွင်ရှိနေသော သူ့အဖေကို စိုက်ကြည့်လိုက်၏။
"အဲ့ဒီ့ဓာတ်ပုံထဲကလို အဖေတို့မြင်တဲ့အတိုင်းပဲလေ။ ကျွန်တော်နဲ့ ဂျီဝန်းက ချစ်သူတွေဖြစ်နေကြပြီ...."
တစ်လုံးချင်းပီသစွာပြောလာသောထိုစကားများဟာ ပြတ်သားထက်ရှလှသလို ရေသေကဲ့သို့လည်းတည်ငြိမ်လွန်းလှသည်။သို့သော် ကြားရသူတွေအဖို့တော့ နားထဲ ကန့်လန့်တိုက်ဝင်ရောက်သွားသည့် ချော်ရည်ပူများကဲ့သို့ပင်..
"ရှန်ချွမ်ရွေ့!!! မင်းတအားကိုအတင့်ရဲနေတာပဲ!! ဟမ်! မင်းလုပ်ရက်ကိုမင်းပြန်ကြည့်စမ်း! ဒီပုံတွေသာ မီဒီယာတွေလက်ထဲYujinတုန်းကလိုမျိုးထပ်ပျံ့သွားရင် ဘာဖြစ်သွားမယ်ထင်လဲ!!ကုမ္ပဏီကရှယ်ရာတွေအကုန်လုံး ကုန်းကောက်စရာမရှိအောင်ထိုးကျကုန်မှာကွ! မင်းရဲ့အနုပညာလမ်းကြာင်းပုံရိပ်ပါထိခိုက်မှာ! မင်းအသက်လည်းမငယ်တော့ဘူး! ဘာလို့များ အခုချိန်မှသွန်သင်ဆုံးမှုမရှိသလိုနဲ့ မိုက်ရူးရဲဆန်ရတာလဲ!!"
ချွမ်ရွေ့နှာဖျားထိလျှောကျနေသော မျက်မှန်အား လက်ညှိုးဖြင့်အသာယာပင့်တင်လိုက်ပြီး ခပ်ဖွဖွရယ်မိသွားသည်။
YOU ARE READING
Fallin'Harder (Completed)
Fanfic• Ricky fell first but Ji fell harder • Kim Ji Woong+Ricky Shen //WoongRi// written by blue_berryke
