!UNICODE!
မိမိခေါင်းမှာ အကောင်ငယ်များစွာ တွတ်ထိုးနေသလို တဆစ်ဆစ်ဖြင့် အုံခဲနေပြီး ခေါင်းထူနိုင်ဖို့ရာ အချိန်ခဏလောက်ပင် ယူလိုက်ရသည်။
ကိုက်ခဲနေသော ခေါင်းအား အုပ်ကိုင်လိုက်ရင်း...သာမာန်အသိစိတ်ရရှိရန်အတွက် Ji Woong အသက်ကိုခဏအောင့်လိုက်ရ၏။
"Fuck!!! တစ်ကယ်ပဲ...မနေ့ညက Ricky Shen နဲ့အိပ်မိသွားတာလား???"
ထိုအသိစိတ်ကြောင့် မိမိအိပ်ရာဘေးက နေရာအားကြည့်လိုက်မိပြီး ဖြူဖြူဖွေးဖွေးကျောပြင်ငယ်လေးတစ်ခုကြောင့် Ji Woong ကြက်သေသေသွားတော့သည်။
ကျောက်စိမ်းကဲ့သို့ သွယ်လျ လှပသော ကျောပြင်ငယ်ကလေးဟာ ကိုက်ရာမျိုးစုံဖြင့် ပြည့်နှက်နေ၏။မိမိကိုကျောပေးထားပြီး လျော့တိလျော့ရဲ ဂွမ်းစောင်ကြောင့် ခါးတစ်ဝက်ထိ လျှောကျနေသည်။
ဖက်ထုပ်လုံးလေးကဲ့သို့ ကွေးကွေးလေးအိပ်ပျော်နေသော ကောင်လေးငယ်ဟာ ဆွဲဆောင်မှုရှိနေသေးပြန်သည်။တစ်ခုခုက ဆွဲငင်ထားသကဲ့သို့...Ji Woong အကြည့်များ မလွှဲပစ်နိုင်ခဲ့....
"အွန့်...အွန်းး...ကျွတ်!"
ကိုယ်အားဆန့်လိုက်သည်ကြောင့် နာကျင်သွား၍ မကျေမနပ် ငြီးတွားသံလေးပေါ်ထွက်လာခဲ့သည်။ခဏကြာတော့ အနည်းငယ်ဖောင်းအစ် နီရဲနေသော Shen Quan Rui မျက်ဝန်းကလေးများ ပွင့်လာချေပြီ....
Ji Woong ချက်ချင်းပင် မျက်နှာလွှဲပစ်လိုက်၏။
"အ့..နာလိုက်တာ....မျက်မှန်ရော?"
သေးသေးကွေးကွေးပုံရိပ်လေးမှာ စောင်ပုံ ကြားထဲမှ ထလာပြီး လှုပ်လီလှုပ်လဲ့ဖြင့် မျက်မှန်အား စမ်းတဝါးဝါးလိုက်ရှာနေတော့သည်။
Ricky Shen ဘေးမှာရှိနေနှင့်သော သူ့ကို သတိမထားမိသေးပေ...
"အဟမ်း! မင်းမျက်မှန်က မင်းခေါင်းအုံးဘေးမှာ"
"အာ...ကျေးဇူးပဲ...ဟမ်!!!!"
ယခုမှ ရွှေဉာဏ်တော်လေး အလင်းပွင့်လာတော့သည်။မနေ့ညက...သူတို့နှစ်ယောက် တစ်ကယ်အိပ်ခဲ့ကြတာလား! အိပ်မက်မဟုတ်ဘူးပေါ့လေ!!
မျက်မှန်အား ကောက်တပ်လိုက်ပြီးနောက် Ricky Shen က သူ့ကို ပြူးကြောင်ကြောင်လေးဖြင့် တစ်ဖန်ပြန်ကြည့်လာခဲ့ပြန်ပြီ။
YOU ARE READING
Fallin'Harder (Completed)
Fanfiction• Ricky fell first but Ji fell harder • Kim Ji Woong+Ricky Shen //WoongRi// written by blue_berryke
