" عارفين انو أحياناً
ما بكون الغلط من حياتنا
قدر ما هو من قرارات أحنا بناخذه
أحياناً الظلم الحقيقي هو ظلم الإنسان لنفسو .."
مرام كانت قاعده بتبكي
فترة طويله شديد
ما كانت قادره تستوعب
انو اختها عايشه
و أحياناً بتجيها فكرة انو يا ريتها ميته
هيا حالياً عايشه حياة
قد تكون اسوء من ال كانو عايشنها
ما عارفه عنها حاجه
و ما قادره تصل ليها
فقدت قدرته انها ممكن تصل ليها
هيا بس كانت بتبكي
و منتظره حاجه تتغير
و فعلاً الإنسان ضعيف
لمن الموضوع يتعلق ب أهلو
...
عدا يومين
مرام كانت بس بتصحى و تنوم
ما كانت بتاكل شى
و ما كانت عارفه ح يحصل تاني شنو في حياتها
أما ميرال :
كُنت زعلانه شديد
عُمر من يوم جابني و ما جا تاني يشوفني
بس أثناء ما أنا في الغرفه و بفكر
سوزان جات قالت لي عمر بره
ألبسي حاجه و تعالي عايزك
فعلاً لبستا عبايه الصلاه و طلعتا ليهُ
سلمتا عليهُ و قعدتا
سوزان كانت في المطبخ
عمر:كنت مشغول.. آسف لانو ما جيت شفتك تاني
ميرال:عادي
عمر طلع ورق و اداني ليهو
عمر:الإجرأت كلها خلصت.. و حجزتا ليك تذكره طيران ل بكره
ميرال:بجد؟
عمر:ايوا
ميرال:يعني بكره ح اسافر؟
عمر:ايوا.. ح اجى اخذك المطار ان شاء لله الساعه تسعه الصباح
ميرال:و القروش ؟
عمر:اعتبريها دين و يوم باخذها منك بطريقه تانيه
ميرال:بس أحنا ما اتفقنا كده
عمر:انتى ح تحتاجي القروش دي هِناك صدقيني..
ميرال:شكراً على كل حاجه عملتها لي م بس على قصه القروش
عمر:انا مفروض اقول ليك شكرا
ميرال:ليه؟
عمر:اممم.. انسى، انا ح أمشى
