" صدمات الطفوله
بتصنع مننا ناس مريضين
و دى الحقيقه."
طلعتا من الغرفه و انا خايفه
قعدتا في الصاله
و ما كنت عارفه مفروض اعمل شنو؟
مليون فكره في بالي بس أقل غلط ممكن هتان يقتلني
ما كان هوس طبيعي
هتان كان إنسان ما طبيعي من كل النواحي
فضلتا قاعده في مكاني لمن جا هتان
أول ما دخل و لقاني قاعده انبسط
هتان:كنت عارف انك ما حا تعملي زيهم، كنت عارف انك ما ح تحاولي تهربي مني لانو انتى كمان بتحبيني صح؟
ميرال:ما حا اعمل زي منو؟
هتان سكت و قعد جمبي
ميرال:احنا مش بنحب بعض؟ خلينا نقول ل بعض الحقيقه
هتان:شوفي انا ما كان قصدي بس دايماً كل ما احب وحده بتحاول تهرب كأني إنسان سئ.. انا ما سئ يا ميرال ليه كل الناس بتحاول تهرب مني؟ حتى ابوي ما كان عايزني و قتل امي بسببي انا
ميرال:ليه حصل شنو ؟أحكي لي.. انا حا اسمعك
#فلاش_باك
قبل سنين طويله :
هتان قبل يجي على الحياه
أبوهو كان إنسان ظالم شديد
كان مسؤل عن كمية حاجات و كلها كانت سيئه
تجارة أعضاء و تهريب اسلحه و مخدرات
كان إنسان قذر لدرجه بعيدهُ
ما كان عندو إحساس أبداً
و كان قاسي
و يدو واصله ل درجه بعيده
كان عندو ولد واحد اسمو علي
و مرتو أتوفت أثناء ما بتولدو
إبراهيم كان عايز وحده تهتم ب علي
اتزوج نيهال أم هتان
بس كان شرطو الأساسي انها ما تحمل
لأنو ما عايز اولاد تاني
و لأنو كان خايف نيهال تطمع في كل الثروه ال عندو
إبراهيم كان بعامل نيهال بطريقة سيئه جداً
و كان بعايرها لانو اصلا أخذها من بيت وضعو سئ جداً
و أنو كل البتلبسو و البتاكلو حقو هو
نيهال شافت انو ابراهيم ما حا يبقا كويس معاها
الا لو حملت منو
و حا تقدر تضمن حقها بعد العذاب ده كلو
ب ولد من إبراهيم
و فعلاً حملت بس ما قالت لإبراهيم
