كُنت واقفه مع بيان و ببكي
و بقول ليها عليك الله خلينا نمشي
الشرطه كانت مركزه شديد مع الغرفه ال لقوها في بيت هتان
و استغربو شديد
و كانو مستغربين أكثر بسبب الأسامي،
كلها ل بنات إختفو في فترات مختلفه
و كانت قضاياهم معلقه بسبب عدم وجود جثة أو آثر
عُمر كان واقف معاهم جوا و قال ليهم ملف بتو
و كل الحصل و كمان موت صالح
ماف زول لاحظ لينا لمن ركبنا العربيه و إتحركنا
كُنت بدعى الطريق كلو انو ما يحصل شى ل مرام و انها تكون كويسه
عنده هتان :
وصل المكان ال قالو ليهُ احمد
كان زي كوخ في نص مكان مهجور
حولينو أشجار كتيره
و مكان ما فيهُ الا أضواء بسيطه شديد
هتان دخل و لقا مريم و مرام
كل وحده فيهم كانت قاعده في كرسي من خشب قديم
احمد كان واقف وراهم
احمد:جيت أخيراً
هتان:الحركه ال عملتها غبيه شديد
أحمد:الموضوع كان يستاهل.. زي ما عارف موت اخوي في النص
هتان:دي ال حاجه ال إتعلمتوها إنتو.. ما عارف ليه انت زعلان و غضبان مني أنا..
أحمد:لأننا بنخدمك أنت لو متذكر.. كل حاجه متعلقه بيك أنت في النهايه
هتان:غلط.. أنت بتخدم ال جانب ال أقل سوء.. كلنا عارفين الجانب ال سئ وين.. انا لو كنت سئ ما كنت حافظتا على حياة أختك لمن حسي
أحمد:وينو ال جانب ال سئ طيب.. لو ما انت ال سئ منو تاني ممكن يكون سئ؟ على القليله ال جانب ال انت شايفو سئ ده ما كان بقتلنا عشان يقدر يعيش هو
هتان:انا كل ال كنت عايزو انكم تكونو مخلصين لي..على القليله بعد ال عملتو انا استاهل تقدير و استاهل تضحيه
أحمد:أنت وين عايش؟ نضحى عشانك ليه أصلاً؟ عشان ال قروش ال بتعيشنا بيها ؟عشان اختي ال بين الموت و الحياة.. معلش بس حسي لمن اختي تصحى حا اقول ليها شنو؟حا اقول ليها انا حافظتا على حياتك بس في المقابل ضيعتا حياة ناس تانيه كتير؟ و لا حا اقول ليها انى كنت بحتجز بنات و بشوفهم و هما بموتو عشان يطلعو بس ما بقدر اساعدهم .. و لا اقول ليها اخونا مات و احنا بنحاول نخليك تعيشي ؟حا اقول شنو يا هتان
