قمتا من مكاني و مشيت على اختي و بقيت بحاول اتكلم معاها
كانت بترد علي بصعوبه شديد
خفته شديد يكون حاصل فيها مصيبه
ميرال:اعمل شنو انا حسي.. وريني اعمل شنو
مرام:أمشى.. ل أهل سعيد.. امشي وريهم
ميرال:طيب طيب
طلعتا من بيتنا و انا لابسه بجامتي و كُلى دم
بقيت بدق بيت أهل سعيد
كان بعد بيتنا ب بيتين
فتح لي شاب و كان مخلوع بمنظري شديد
ميرال:عايزه عمو خالد.. سريع
الولد دخل جوا سريع و طلع معاهو عمو خالد ابو سعيد
و أمو
خالد:بسم الله يا بتي.. في شنو الحاصل شنو؟
ميرال:سعيد و مريم هربو..و ابوي حسي عايز يقتلهم يا عمو
أم سعيد بقت تكورك و تقول وووبعلي.. ولدي حا يموت ألحقو لي ولدي
فجأه الجيران كلهم أتلمو فينا
و ابو سعيد طلع و معاهو الولد ال فتح لي الباب
أنا قعدتا في الأرض جمبه الباب و بقيت بس بدعى
ميرال:يا رب ما يحصل شى ل مريم.. يا رب يكونو مشو مكان بعيد.. يا رب
ما عارفه ام سعيد كانت بتكورك ل ياتو مدة
و لا عارفه انا قعدتا كده ل متين
مرام طلعت و قعدت جمبه الباب و حالتنا كانت صعبه شديد
كُنا بس عايزين نشوف حا نصل ل وين الليله
الدُنيا بدت تمغرب
و ما كان في خبر
الحله كانت زى كأنو في عزا
و النسوان كلهم قاعدين في بيت أهل سعيد
كلهم كانو عارفين ابوي مجنون ل ياتو درجة
جات قعدت جمبي مره كبيره و جابت لي مويه
_يا بتي أشربي مويه انتى و اختك من الصباح بس قاعدين في الأرض كده، دمكم نشف و ريقكم نشف، حسبي الله ونعم الوكيل.. حسبي الله ونعم الوكيل بنات زى الورد ليه يحصل فيكم ده كلو
أنا كنت ساكته و بعاين للطريق
فجأه جو رجال الحي و شكلهم ما كان بطمن خالص
أنا و مرام قُمنا من مكانا و مشينا و بقينا نكورك
مرام:وين مريم؟؟ وين مريم؟؟حصل شنو وينهم؟ مشو صح؟؟ ما لقيتوهم؟
واحد من الرجال قال حسبي الله ونعم الوكيل و دخل بيتو
ميرال:في شنو؟؟ وين مريم؟وين عمو خالد طيب؟
