" أحياناً الإنسان
بمشى للموت بإرادتو .."
صليت الفجر و قعدتا ابكي
كنت بسأل في نفسي ليه؟
ليه بحصل ده كلو و ليه حياتي ما عايزه تتصلح
كُنت بحاول اطمن نفسي انو ديل مرسلين بسبب ابوي
لكن لا..
واحد فيهم قال للثاني أنتبه ما تضربها
من متين ابوي حا يخاف علي من يد تتمده فوقي؟
سوزان دخلت لي الغرفه و قعدت جمبي في المصلايه
سوزان:انا ما عارفه حاصل معاك شنو بس شكلك تعبانه و زعلانه شديد
ميرال:انا ما عايزه اجيب ليكم مشاكل.. هربتا من بيتنا و عمر كان بساعدني بس حتى هو جاتو المشاكل بسببي
سوزان:ما ح يحصل ليك هِنا شى.. راجلى شغال في المباحث و صدقيني حتى الطير لو عايز يطير جمبه بيتنا بستأذنو أول، مستحيل زول يحاول يجى ياخذك من هِنا
ميرال:شكراً بجد
سوزان:بس انتى كيف بتعرفي عمر.. يعني ما اتوقع هو عندو معارف كتير
ميرال:صدفه ساعدني.. بس احنا م بنعرف بعض
سوزان:اها.. يحليلو بعد الحصل فيهو و بساعد لسه زي زمان
ميرال:بعد موت مرتو قصدك؟
سوزان:موت مرتو؟ بسم الله يا بت ما توقفي لي قلبي.. مرتو ما ميته، أو طليقتو بالأحرى
ميرال:كيف؟
سوزان:هو قال ليك مرتي ميته؟
ميرال:لا فهمتا براي
سوزان:لا هديل الحمد لله عايشه و الله اعلم حسي حياتها كيف بس بتكون أتخطت، بتو هيا ال ماتت
ميرال:بتو💔
سوزان:ايوا كان عمرها خمسه سنين لمن أتوفت.. كانت طفله حلوه شديد و دمها خفيف.. كل الناس بتحبها و الله.. موتها ده آثر فينا كلنا بس عمر اكتر زول.. كان متعلق بيها شديد.. مع انو يقال انو ال كان ال سبب في موتها أتقبض بس عمر ما مقتنع
ميرال:هيا ماتت كيف؟
سوزان قبل تبدء تتكلم سمعت صوت حامد بناديها
سوزان:ارح نطلع نشرب الشاي
بعدين بتم ليك
ميرال:طيب
طلعنا سوا و قعدنا في الصاله
شربنا الشاي و سوزان و حامد كانو ظريفين شديد
بحكو لينا حاجات تضحك و حقيقي اول مره اضحك كده
عاينت ل عمر
ما كان في رياكشن في وشو
كان بس بعاين
مرات ببتسم و مرات بسرح بعيد
