ယုန်လေး က သားပေါက်လေးကို ပျိုးထောင်ဖို့ မတက်နိုင်ဘူး [BL]

အပိုင်း (20.1)

(20.1) self -defeating 1

ကျင်းထန် ရဲ့ တွဲလောင်းချ ထားတဲ့ လက် က လက်သီးစုပ် သဖွယ် ချက်ချင်းပဲ တင်းကြပ် သွား ပြီးတော့ မျက်ဝန်း နက်တွေ ထဲ ကနေ ခံစားချက် တွေ ပေါက်ကွဲ ထွက်လာ ပေမယ့် လည်း အဆုံးမှာတော့ သက်ပြင်း လေးလံစွာ ပဲ ချ လိုက်ရ တော့ လေတယ်။

'' သူက ငါ့ရဲ့ အချစ်ပါ ''

'' အို? ''

ခုန်းယင် က သူမရဲ့ မေးစေ့ကို စိတ်ဝင်စားမှု ကြီးစွာနဲ့ မော့လိုက် ပြီးတော့ သူမ ရှေ့က သူ့ကိုယ်သူ အတင်း ဖိနှိပ်ထား ပုံ ရတဲ့ အမျိုးသား အား ကြည့်လိုက် လေတယ်။

'' ဒါပေမယ့် သူ့အပေါ် ငါ စစ်ဆေး ရှာဖွေ ကြည့် ရ သလောက် ကတော့ သူက မင်း အပေါ်ကို ဒီလိုမျိုး အတွေး အမြင်တွေ ရှိမနေ ဘူးရယ် ''

'' ငါတို့ရဲ့ ပြန်ဆုံစည်း မှု အချိန်ကိုက်...... သိပ်ပြီး မမှန်ခဲ့တာ ကြောင့်ပါ။ ပြီးတော့ အဲ့တာ ကြောင့် သူက ငါ့ အပေါ်မှာ နားလည်မှု လွဲ သွားတာ ဖြစ်နိုင်တယ် ''

'' ပြန်လည် စုံစည်းတယ်? ''

ကျင်းထန် ရဲ့ စကား တွေက ခုန်းယင် မျှော်မှန်း ထား တာထက် ကို ကျော်လွန် နေခဲ့ တယ်လေ။

သူမ တွေးထားတာ ကတော့ ဒီ နှစ်ယောက် က မှားယွင်း မှုကြောင့် မတော်တဆ အိပ်မိ ကြတာ လို့ပေါ့။ ဒါပေမယ့် အချိန်အတော်ကြာ ဝေးကွာ နေတဲ့ အချစ် ဟောင်းတွေ ပြန်လည် တွေ့ဆုံ ကြတယ်လို့ တော့ သူမ တကယ် မထင်ထား ခဲ့မိပေ။

'' ငါတို့ က တကယ်တော့ အချိန် အကြာကြီး ကတည်း က တွေ့ခဲ့ ကြတာ ပါ ''

ကျင်းထန် က တစ်ခုခု ကို ပြန်လည် တွေးတော နေသလိုမျိုး  အဝေး တစ်နေရာ ကို ကြည့်လိုက် လေတယ်။

'' ဒါပေမယ့် နောက်ပိုင်း ကျတော့ မတော်တဆ တစ်ချို့ကြောင့် ငါတို့ နှစ်ယောက် ဝေးကွာ သွားခဲ့ ရတယ်။ ပြီးတော့ အခုချိန်မှာတော့ သူက ငါ့ကို မေ့သွား လောက်ပါပြီလေ ''

ဒီနေရာမှာ အသေးစိတ် အချက်အလက် တွေ အများကြီး ကျန်နေ သေးပေမယ့် လည်း ကျင်းထန် က အဲ့ထဲ က ဘယ်တစ်ခု ကိုမှ ထပ်ပြီးတော့ မဖော်ပြ လိုတော့ ပါပေ။