ယုန်လေး က သားပေါက်လေးကို ပျိုးထောင်ဖို့ မတက်နိုင်ဘူး [BL]

အပိုင်း (16.1)

(16.1) ခြေတစ်လှမ်းသာ ကွာဝေးသော

ရိုက်ကူးရေး ရဲ့ နောက်ဆုံ ရက်အတွက် လုပ်ငန်းဆောင်တာ ကတော့ ဘရန်းဘက် ကနေ နောက်ဆုံး သုံးသပ်ချက် ကို စောင့်ရမှာ ဖြစ်ကာ လိုအပ်ရင် အနည်းငယ် ပြုပြင် ပြောင်းလဲ တာတွေ လုပ်ပေး ရမှာသာ ဖြစ်လေတယ်။

ဒါကြောင့် မနက်ခင်းပိုင်းမှာ ဆောင်ရွက် ပြီးသွားလေတယ်။ နန်ဟွေး က နေ့လည်စာ စားချိန် ရောက်တဲ့ အတွက် ကန်တင်းကို  တစ်ခြား အဖွဲ့သား တွေနဲ့  ထမင်း အတူ စားဖို့ သွားခဲ့ လေတယ်။ ထိုအချိန်မှာပဲ သူက ချုအန်း နဲ့ ထပ်ပြီး ဆုံ ပြန်လေတယ်။ ထို့အတွက်ကြောင့် သူတို့က တစ်ဝိုင်းထဲ အတူတူ ထိုင်ကာ စားသောက် ကြတော့ လေတယ်။

အနုပညာ လောက က အရမ်းကြီး လည်း မကျယ် သလို အရမ်းကြီး လည်း မသေး ပါပေ။ ပြီးတော့ အတွင်းပိုင်းက  သတင်းတွေ ကောလ ဟာလ တွေ ဆိုရင် ပျံ့ နှံ့တာ အရမ်းကို မြန်ပါတယ်။

မိန်းမငယ်လေး တွေ က သူတို့ဘေး က ဝိုင်းမှာ အတူတူ စုစား ပြီးတော့ နောက်ဆုံးပေါ် အတင်းအဖျင်း တွေကို ပြောနေ ကြတယ်လေ။

'' နင်တို့တွေ ဒါရိုက်တာ ချန်း အကြောင်း ကြားပြီး ကြပြီလား? ''

တစ်ယောက် က အသံ တိုးတိုးလေး နဲ့ မေးလိုက်လေတယ်။

'' ငါလည်း အဲ့ အကြောင်းကို ကြားပြီပြီ။သူက ရုတ်ချည်းပဲ ကြောင်တောင်တောင် ဖြစ်သွား ပြီးတော့ ရိုက်ကူးရေး တောင် ရပ်ပစ်လိုက်ပြီတဲ့။ ​အမွှေးနံ့သာတွေ ထွန်းပြီးတော့ နေ့တိုင်း ဘုရား ထံ ဝတ်ပြု နေသတဲ့လေ။ ပြီးတော့ လည်း မကောင်းဆိုးဝါး ဝိဉာဥ်ကို မကပ်နိုင်တဲ့ အဆောင် လက်ဖွဲ့ လုပ်ပေးမယ့် ဆရာသခင် ကိုတောင် ရှာနေ သတဲ့ ။ အခုတော့ ဒီနယ်ပယ်မှာ သူက ဟာသ လုံးလုံးကြီး ကို ဖြစ်လို့ ''

'' အို ၊ သူက အစကတည်းက မကောင်းတဲ့ ဂုဏ်သတင်း ရှိနေ တာကို။ ငါ့အမ ပြောတာ ကတော့ သူက နာမည် မကြီးသေးတဲ့ ကြယ်ပွင့်လေး တွေကို မပြောအပ်တဲ့ စည်းမျဥ်းတွေ မကြာခဏ လုပ်လေ့ ရှိတယ်တဲ့လေ။ ဒါက မကောင်းတာ လုပ်လို့ မကောင်းဆိုးဝါး က သူ့စီ လာတာ ပေါ့ ''

''ငါလည်း သဘောတူတယ် ။ သူ့ကို တိုင်ကြား တုံးကတောင် ဘာမှ သူက မဖြစ်သွားဘူး ။ အခုလို ဖြစ်သွားတာ ကတော့ တကယ်ကိုပဲ စိတ်ကျေနပ်စရာ ကောင်းတာ ပဲ ''