راحوا المستشفى نظفوا جروح سالم و سلامه طول الوقت تصيح في الصوب الثاني حمدان طلع ركب السياره وراح مسرع ما يعرف وين المهم يطلع بعد فتره من الوقت لقى نفسه صوب الرمله ركب فوق واحد من العراقيب وقعد كانت الساعه 11:30 فليل قعد يطالع السما ويكلم نفسه.
حمدان: انته شو ياك؟ ليش جي عصبت ع الريال؟ خله يزول هو يحبها انت حق شو تعصب؟ اففف احين ما يزداد الوضع بيقولون اني احبها وحصه بتكرهني اكثر. لحول ... انت ما تحبها يا حمدان هذي مثل اختك وبس. * قطع افكاره اتصال من هزاع *
هزاع: الوهه
حمدان:...
هزاع: ادريبك تسمعني رد البيت اباك بموضوع
حمدان: زين
وسكر راح البيت دخل حصل الكل قاعد في الخيمه الى برا وحصه اروحها ويا ميثه شافها و راح داخل الخيمه.ظ
حمدان: السلام عليكم
الكل: وعليكم السلام
قعد و قعدوا الشباب يسولفون اشوي وعقب نهيان قال لحمدان انه يبا رمسه و طلعوا برا يتكلمون..
نهيان: اشحالك حمدان
حمدان: بخير الحمدالله
نهيان: دوم يا خويه
حمدان: يدوم غاليك قول ها شعندك
نهيان: والله يا خويه ما من سالفه لكن ممكن تفهمني كل شي صار ؟
حمدان قعد يطالع نهيان و ساكت
نهيان : حمدان ارمس تعرف انك غالي عليه و إلى صار مب شوي قولي و معليك من حد
بدأ حمدان يقول السالفه و إلى صار حق نهيان و نهيان يسمعه بكل هدوء: وعقب يا خويه يا يبا يمسك أيدها وأنا ما أرضاها ع وحده من خواتي وصار إلى صار
نهيان حط ايده ع كتفه : هيه يا خويه م عليه الأمور طيبه
وخلصت ليلتهم الطويله هذي...
بعد مرور أسبوع من بعد هالليله و الكل ملتهي بدراسته و دوامه و م صار شي يديد على أبطالنا...
أم نهيان: نهيان أنا و أبوك بنسافر أسبوعين و أختك عندك م قلنا لها شي أنت رمسها ألانه بتقعد تصيح نفس كل مره
نهيان: ان شاء الله اميه بس منو بيوديها كل يوم المدرسه
بو نهيان: انته بعد اخو على الفاضي فعل دورك
أم نهيان و نهيان نقعوا ضحك عقب قال نهيان: أبويه معليه مفعلنه بس دوامي بيغيرونه يبوني من ثلاث الفير عندهم و حصه مدرستها 7:30 كيف
بو نهيان: خلاص عيل بخلي ذياب يوصلها
نهيان: ان شاء الله و سمحلي أبويه لكن لا تحاتي بحطها بعيوني هذي اختها فديتها
يت حصه من وراه:وهيه منو تتغزل فيها هذي ليكون حرمتك
نهيان: ههههههههه لا أنتي
حصه أونها استحت و سكتت
طبعاً سافروا أم نهيان بو نهيان بعد هل سالفه بيومين و حصه بعدها م تعرف عرفت قبلها بيوم و سوت لهم حنه و نهيان قال لها انه حمدان بيوصلها كل يوم و عصبت وقال لا بتغيب كل شي ولا انه حمدان يوصلها بس اخوها ال لها انه م بيسوي لها شي ومن هل كلام...
حمدان: ياربي هذي وين تأخرنا
حمدان بصوت عالي: حححصصههه يا غبيه بنتأخر
حصه: انزين اتريا اشوي
حمدان: لحول ولا قوة الابالله
يت حصه وسلمت عليه حمدان تنح اشوي الانه شافها بدون مكياج و انصدمت أنها احلا بوايد بدونه
حصه: حووو يله طوف
حمدان: زين زين
وصلها و راح دوامه و تموا على هل حال مره من المرات يا حمدان يشلها من المدرسه الظهر ركبت حصه السياره ويها احمر استغرب ما حب انه يسألها كملو دربهم اشوي و حصه بدت تصيح بهدوء حمدان توتر اشوي الأنه ما يعرف السبب
حمدان: اءء حصه؟
حصه:...
حمدان: حصه شو فيج
حصه: م يخصك
حمدان: يا بنت الناس قولي
حصه: حمدان صح إني م ادانيك لكن أعرفك مب جذاب
حمدان توتر اشوي: انزييين؟
حصه: أمي و أبويه ليش مسافرين؟
حمدان خاف: شدراني حصه
حصه: يعني كلامهم صح؟ ألانك خفت
حمدان:...
حصه بصوت عالي: حمدان قلت لك لا تكذب عليه ( تشاهق) قولي اميه شو فيها ( وتصيح بقوه )
حمدان خاف عليها وقف السياره ع صوب و راح صوبها
حمدان: حصه اهدي و قولي لي شو سمعتي؟
حصه: شي وحده قالت انه أمي تعبانه ورايحه علاج أحينه وإنه فيها ورم ( وردت تشاهق و تصيح بقوه )
حمدان عصب انه هذي البنت منو و شو عرفها و خاف على حصه و انه كيف بيصارحها مسك حمدان ويه حصه و خلها تطالعه و حصه أطالعه و تنزل رأسها و حمدا ن يرفعه :صحه شوفيني
حصه شافته و عيونها كلها دموع
حمدان: حصه أنتي إنسانه قويه و مؤمنه بالله انه كل شي بيد الله سبحانه و تعالى و الأعمار بيده بعد
حصه: ونعمه بالله
حمدان: وأنتي تعرفيني م احب اكذب فا حصه إلى صار هو انه أمج كانت تسوي تحاليل نفس دوم مال الدم وجي و عرفت بمرضها م حبت تخبرج الإنج صغيره و خافوا عليج قالوا حق نهيان و الكل و كل حد خاش عنج ها الشي م يبونج تنصدمين و الأعمار بيد الله سبحانه و تعالى
حمدان اتريا منها رد لكن حصه م ردت عليه و كل إلى سويته إنها حضنته بقوه و تمت تصيح حمدان أنصدم من حركتها م توقع حصه إلى تكرهه تحضنه بيوم بس م ينكر انه أستانس و ف نفس الوقت م يلومها كل إلى سواه رد لها الحضن و تم يمسح عليها و يسمي عليها لين هدت و عدل لها قعدتها و سدح الكرسي عشان ترتاح لين يوصلون البيت رجع ركب السياره و حصه مسكت ايده و نامت حمدان كان وااايد مستأنس بس ف نفس الوقت يكذب ع عمره وصل البيت. و حصه نزلت ونزل وراها حمدان...
حمدان: حصه انتبهي على عمرج و أي شي تبينه دقي علي
حصه: أوكيه
دخلت حصه البيت وراحت غرفتها و نامت و حمدان رد البيت وانتهى ها اليوم ع خير.
