حمدان: لو تموتون محد ياخذها غيري والله دام اني حيه تحرم ع الكل
وطلع ركب سيارته و كان وايد مسرع في نفس المكان بعد م طلع حمدان حصه كانت تصيح وتشاهق م تبا تاخذ سالم و كانت تكسر كل شي حولها...
حصه: ماباه ماباه ( تروح لنهيان) نهيان دخيلك لا تسوي جي فيني م اباه
نهيان يمسكها: م عليه فديتج لا تحاتي م راح تتزوجين الا وانتي راضيه
هدت حصه و راحت غرفتها نامت بعد وقت نشت ع الساعه 10 فليل شافت ابوها متصل استغربت اشوي الانه مب من عادته دقت له و م رد ودقت حق امها و م رد خافت اشوي قالت بتنزل تشرب ماي و تطلع تشم هوا غيرت لبست مخور و شيله راحت المطبخ شربت ماي و طلعت تقعد في الحوي
...: اجرنا و اجرك اخويه
حصه ؛ بسم الله منو ؟
شافت هزاع يرمس فون راحت صوبه و كانت مستغربه من وجوده في هذا الوقت عندهم
حصه: هزيع منو مات
هزاع: متى نشيتي
حصه: توني
هزاع: هييييي
حصه: منو مات؟
هزاع توتر م عرف شو يقول لها وكيف يصارحها..
هزاع: حصه حبيبتي ( حصه اطالعه بصمت ) تعرفين انه كل شي قضاء وقدر صح؟
حصه: هي؟؟
هزاع: وانه الله يحب يختبر صبرنا و الله اذا احب عبد ابتلاه
حصه بدت تتوتر اكثر: هزاع قول بدون مقدمات! بعدين صح وين اخويه؟
هزاع: ااء
حصه خافت قالت بصوت عالي: نهيان وينه؟؟؟؟
هزاع: بيسافر..... عند ابوج
حصه: ليش!
هزاع: حصه استهدي بالله
حصه : هزاع ارمس !
هزاع: امج...امج توفت اليوم الفير
حصه الدنيا دارت فيها و م صحت الا وهي ف المستشفى و تشوف المغذي ع راسها كانت ترددد بأسم اخوها و اسم حمدان عقب م نشت شافت هزاع و طلبت منه اتشوف حمدان...
حصه: ابا حمدان ابا اكلمه
هزاع: م يرد محد يعرف وينه
حصه: بدق عليه وين فوني؟
هزاع عطاها الفون و دقت وكان مغلق استغربت وخافت عليه وهي مب مصدقه امها متوفيه تبا تكلم حمدان حمدان قال لها امها بترد كيف؟ خلص المغذي و ردت البيت دخلت الغرفه و انهارت صياح استوعبت كل شي بعد رسالة ابوها....
بو نهيان: حبيبتي حصوه امج عطتج عمرها نهيان ياني و بنرد البلاد ها اليومين حق الدفان و العزا اتصبري يا روح ابوج
حصه خنقتها العبره م تعرف من وين تلاقيها من سالفة سالم وله حمدان الى مختفه وله من شو و خافت ع ابوها الانه صوته كان تعبان وأيد تمت تصيح وتصيح وأيد وكل شوي يزيد صوت صياحها على أنها تحاول تكتمه في هل وقت هزاع راح ياي ميثه عشان تقعد ويا حصه و تواسيها دخلت ميثا وشافت حصه منهاره وأيد...
ميثا: م عليه يروحي تصبري هذا قضاء الله و قدره ادعي لها
وتمت تقول لها من هل كلام كله في هل وقت هزاع كان يحاول يوصل لحمدان لين اخيراً حمدان فج فونه ...
هزاع: الوهه
مدان : هلا
هزاع: انته وينك؟ من متى اندق عليه !
حمدان: شو تبا احين؟
هزاع: تعال شوف حصه
حمدان: هه أشوفها؟ ليش ؟ خلوه ريلها أي
هزاع: حمدان مب وقته عقب نتفاهم حصه تحتاجك
حمدان هو فز قلبه من يوم طاريها و خاف اكثر يوم هزاع قال تحتاجك بس قال بصوت يعكس كل شي داخله: وليش شو تبا؟
هزاع: أمها توفت خلص تعال باي
حمدان انصب المآي كله في ويهه ! أمها! كيف؟ ومتى؟ ع طول ركب السياره وحرك من كثر ما كان مسرع وصل البيت في عشر دقايق. دخل ع طول بسرعه شاف هزاع تحت...
حمدان: وينها؟
هزاع: فوق
حمدان راح فوق بسرعه بطل الباب و شاف حصه حاطه رأسها ع ريل ميثا و نايمه
حمدان: ميثا الرائج طلعي أنا بقعد عندها
ميثا تعرف حمدان م بيسوي شي و هي أصلن تباهم لبعض و تعرف بعد انه حصه تبا حمدان و تحتاجه فا م عارضت وراحت عند اخوها... دخل حمدان وسكر الباب قعد ع السرير يتأملها لين غفى...
