في اليوم الثاني نشت حصه الفير ع اذان الفير صلت و قعدت تدعي ربها:
حصه: يا الله أنك تشافي أمي و تردها لي بالسلامه يارب انك اطول بعمر أبوي و تحفظ لي اخوي ...... يا ربي حمدان يقوم بالسلامه
خلصت و راحت تشوف هزاع أو نهيان عشان يتجهزون و يروحون حق حمدان بس اثنيناتهم رفضوا و قالوا حقها تروح ترقد ردت حصه تنام و م نشت إلا الظهر بدلت و صلت نزلت تحت وكان البيت هدوء و فاضي محد فيه استغربت يوم نزلت الصاله انصدمت...... حمدان! ويت متى؟ وكيف؟ انتبه عليها حمدان و لف صوبها وقال...
حمدان: حصوه؟
حصه: ها هلا
حمدان: محد تراهم
حصه: حمدالله ع السلامه وينهم
حمدان: صارت سالفه عشان سلوم الهرم و أنا و عمومي يبون نهيان و هزاع و ميثا راحت بيتهم
حصه: اها اوكي
يا حمدان بيقوم بس تألم ركضت حصه عنده و مسكته ...
حصه بخوف: شي يعورك؟ وين؟ قولي؟ شو في...
حمدان و مبتسم: لجبس بس م فيني شي ألم بسيط
حصه: انزين اقعد
قعدو هم الثنين بعد صمت اشوي تكلم حمدان...
حمدان: حصه ممكن اعرف سبب خوفج علي؟ قالوا لي بس احس ليش كل ها الخوف علي!
حصه كانت مستغربه من نفسها و توهقت م عرفت ترد عليه
بعد هدوء اشوي
حصه: ويع مب من زينك بعدين تراك مثل اخوي فا جب
حمدان حس انها توترت و ضحك ع ردها
حمدان: ههههه زين زين يا اختي
حصه: هههه جب
في مكان ثاني بيت اليد كانوا الريايل كالهم ف الميلس
سالم: والله انا اباها باخذها بس اخلص
نهيان و هو معصب: والله م تاخذها اختي م تباك
هزاع يحاول يمسك نهيان الانه وايد منفعل
اليد: بسكم انتوا الثنين سالم انت بتاخذ حصه وكلام وانتهى
هزاع: بس يا يدي...
اليد: لا بس ولا غيره انا قلت الى عندي
سكتوا كلهم ميثا سمعت كل شي صار و تضايقت ع الموضوع و قررت تكلم يدها عن هل شي راحت عنده الغرفه كان يبا يرقد...
اليد: اوه ميثا بنتي
ميثا: هي يدي
اليد: زين يوم انك يتي يا بويه تعالي همزي رويلاتي اشويه
ميثا: ان شاء الله
و قعدت ميثا تهمز ريول يدها اشوي و عقب رمست
ميثا: يدي
اليد: همم
ميثا: يدي لا تزوج سالم و حصه ترا حمدان يحبها ويباها و بتصير مشاكل و إلى صار اليوم سالم غطان فيه مليون بالميه يا يدي لا تفرق بين اثنين يحبون بعض تراهم حصه و حمدان يحبون بعض بس يكابرون والله
اليد: ميثا لا تتدخلين
ميثا: يدي والله م يصير...المشاكل عقب بتي من كل صوب وبتشوف
اليد: والمطلوب؟
ميثا: يدي شوف بنسوي خطه أنا وإنت و اثبت لك انه سالم مب زين لحصه مول، شرايك؟
اليد: و شو هي خطتج؟
ميثا: خلا كل شي علي وإنت مشا الموضوع على أساس انه سالم لحصه و بتشوف كل شي بعيونك
اليد: زين زين عورتي راسي يله طلعي برا برقد
ميثا: هههههه ان شاء الله
وطلعت ميثا وهي مستأنسه وأيد وخلص هل يوم ع خير
