الصبح قامت حصه وكان راسها يعورها وايد نشت شافت حمدان راقد مجابلنها ابتسمت و تأملته اشووي و نش حمدان و شافها ناشه اطالعها و ابتسم
حمدان: صباح الخير
حصه: صباح النور
حمدان: يله بددلي وخلصي امورج اترياج تحت بنطلع
حصه: وين؟
حمدان بعدين بتعرفين
راحت حصه تبدل و هي تتذكر سالفة امس و قاعده تفكر تحس عمرها اشوي تستوعب واشوي لا حمدان نزل تحت و كلم هزاع قال له هزاع انهم بيروحون المشتسفى الانه بو نهيان و نهيان و صلوا حمدان كان نواي يسوي شي ويا حصه فا قال لهزاع و هزاع وافق و قاله انتبهوا ع عماركم و راحوا نزلت حصه و استغربت وين ميثه و هزاع شافت حمدان يالس تحت ويرمس فون سكر عقب م شاف حصه نازله
حصه: وينهم؟
حمدان: راحوا يله تعالي السياره
حصه راحت وراه ركبوا السياره و قالت حصه: وين رايحين؟
حمدان: اششش م ابا اسمع شي بس اباج تكونين وياي اليوم و تشوفين كل شي
حصه : زين
حركوا و طلب حمدان ريوق و راحوا عند الكورنيش قعدوا ياكلون ف السياره و الهدوء سيد المكان بس صوت البحر و الهوا الى ينسمع كسر هل هدوء حمدان
حمدان: حصيص
حصه: نعم؟
حمدان: ههه خيبه بلاج
حصه: تعرف م احب هل اسم
حمدان: انزيييين يا الحلوه اسفين
استحت حصه اشوي
تكلم حمدان: تعرفين محد باقي في هل دنيا وكلنا مصيرنا تحت التراب سبحان الله انخلقنا من طين و يوم بنموت نندفن تحته ( ابتسم ) حصه انتي قويه وانا اعرف هل شي امج عطتج عمرها الله يررحمها ( صد بسرعه يطالعها و رفع صبعه ) ها لا دموع مابا اشوفهم ( حصه عيونها مدمعات بس ابتسمت له بعد كلامه ) هي جي ترا يوم تصيحين ع الميت يتعذب عشان جي لا تصيحين ع امج م يصير بتتعذب وانتي م تبين ها الشي اكيد تبين لها الراحه صح ولا؟
حصه : صح بس
حمدان: لا بس ولا شياته اخوج و ابوج وصلوا اليوم ويا امج و هم ف المستشفى بنروح بتغسلينها و بيدفنوها و م راح اشوف دمعه وحده منج الانج قويه وانا اعرف ها الشي و واثق منج بعد
حصه: ان شاء الله
كان بيحرك بس تذكر موضوع و اطالع حصه و حصه اطالعته جنهم فهموا ع بعض؟ قالوا ف نفس الوقت: سالم اشوي و يسكتون و ينفجرون ضحك
حمدان: هههههه شدراج
حصه: ههههه انته الى شدراك
حمدان: حصوه
حصه: هلا
حمدان: حصه ادري انه موول مب وقته بس انا م اعرف شو صاير فيني والله من اشوفج ترد لي روحي ارتاح وياج حصوه انا احبج لا جذاب انا انا هيمان فيجججج يا بنت الناس اموت بالتراب الى تمشين عليه ( سكت اشوي ) حصه انتي تحبيني؟
حصه: ....
حمدان: عادي ردي اذا تحبيني والله اوقف كل شي و ها سالم يخسي ياخذج
حصه: لا
حمدان الى تحطم : شو لا
حصه : لا م احبك
حمدان انكسر: بس... خلاص اوكي
حصه قربت منه و همست ف اذنه: احبك يا ولد شيخه ( شيخه اسم امه) اتصنم حمدان مب مستوعب صدق؟ حصه تحبني! انا؟ م صحى على عمره الا يوم حصه باسته ع خده بكل رقه لف صوبها ومسك ايدها وقال وعيونه تلمع: والله والله محد ياخذج غيري بعد العزا بخطبج ضحكت حصه وهي تحس بالراحه و راحوا المستشفى
