مهرة الفهد (شهڪة ؏ـشك)

الباࢪت24

وآعلَموآ يَآ سِآدهّ
بأنني إعلـטּ بࢪائتـي مـטּ الكوטּ ولا انتمي سوى لديـטּ ﻋـلَـﻲ وعـينيها.

يَآمـטּ:
.... قررت انطي فرصة لنفسي والها لان مستحيل انساها مااكدر اهوايه حاولت والكه روحي
بعز انشغالي افكر بيها وبعز تعبي الكه ضحكتها راحتي بعز حزني الكه صوتها يطيب
جروحي كلش بيها ينعشك بيها برائة طفلة وهي طفلة كلبي اويلي عل كلبي شكثر عاشكها

تأخرت بدوامي لان عدنه انذار وكلبي مات عل شوفتها تحجيلي اميرة من تسألها
عني وكلبي يطير بلشت تفقدني وتهتم لوجودى يعني بحيل الله واهل البيت اخليها تحبني
اريد اعوض السنين الراحت مني وهي مو وياى اريدها بكل جوارحي مااعرف شوكت
حبيتها هلكثر بس تستاهل تنحب بنيت روحي واخيرا اجه يوم نزولي لاهلي

وصلت الظهر سلمت عل ابوية بالمضيف وفتت للبيت لكيتها بصالة يم حبوبة سلمت عل امي
وهي تعاتب بيه واني مشتاكلها بس هذا دوامي مو بيدي تحمدتلي بسلامة ورديت عليها
واني العب اسيد اترخصت وصعدت سبحت وبدلت ورجعت

نزلت اشوف تتحرك بالبيت ويه البنات وكلبي وعيوني وراها اشوفها

تسولف وتضحك وياهم واني متباوعلي حتى يحترك كلبي اغار عليها حتى من امي مااريد بس اني اشوفها واسمع صوتها مااريد بس ويايه تضحك اريد اضمها بصدرى ومااخلي بشر يلمح خيالها انصب الغدة وهي ابد

مارفعت عينها عليه حتى من اطلب منها حاجه استغربت بس كلت يجوز صدفة خلص
الغدة شربت جاى وصعدت لغرفتي نمت براحة كعدت العصر صليت ونزلت لكيتهم
بالحديقة يسولفون ويضحكون

ويوسف يتشاقه ويه حبوبه طلبت جاى وانطتني هي باوعت عل ملامحها مبين باجيه استغربت وهي تجاهلتني تماما طول الكعدة اتوسل
النظرة منها وهي ابد ماباوعت عفتهم وطلعت اني مستغرب تصرفاتها رحت للمحلات

وجيكت الشغل سلمت ࢪواتب العمال ورجعت للبيت فتت المضيف

وكعدت اسولف لابوية شنو سويت ڪال:

..... عاشت ايدك بويه

بست راسه وصاحونه علـۍ عشة دخلت جوه وهم
جانت متجاهلتني تماما ولا كأني موجود تحجي ويه الكل وتتصرف طبيعي واني حتى
متباوعلي احس نار وشبت بضلوعي ضلينه نسولف ونضحك ونلعب ويوسف يحشش

صعدت الغرفتي صليت ودعيت ربي واهل البيت يرزقني حبها وتكون حلالي كعدت
الصبح سبحت وبدلت وصليت نزلت صبحت علۍ
حبوبة وبس راسها هي وابوية وامي
وكمدت اتريك

كال ابوية:
.... اريد سيارتك حتى اروح لبغداد بيها

يامن:
.... صار نروح اني وياك

كال:
... لا خليك انت ࢪاح تجي بضاعة للمحل استلمها انت اروح واخذ امير ويايه

كلتله:
.... تم بويه