مهرة الفهد (شهڪة ؏ـشك)

البارت 39

كل عام وانتي بالف خير متابعيني 😂
عيدكم مبارك  تدرون شوكت اعيد بالنسبة لي هو ظهور مولاي صاحب العصر والزمان عجل الله تعالى فرجة😔🤎

المهم حبايبي هذا البارت واتمنى منكم المشاركة للرواية لان مابية تفاعل واني راح اختم الرواية لا تكسرون واهسي بالكتابة 🫨

- ولو سألوني يوماً عنها لأخبرتهم أنها جائت على مقاس أمنياتي تماماً

دك تلفون يامن وجانت المفأجاة....
صديق يامن حسام راح يجيب بنته يمنه لان مرته مريضة ويضربهُ علاج فيزيائي استغربت شلون يجيب بنته يمنه وهو ميعرفنه سد التلفون

يامن:
... حسام ومرته جايين بالطريق وراح يخلي بنته يمنه تقريباً 10ايام
عفتهم يحجون وصعدت اركض بدلت ملابسي وتمكيجت حطيت عطر ونزلت باوعلي يامن و اني انزل ورفع حاجبه

كعدت بصفه همس:
.... اصحح معلومتج هم جايين يعوفون بنتهم يمنه ماجايين يخطبوج مني

مهرة باوعتله صفح:
.... تريد اطلع مبهذله كدام المرة واول مرة تشوفني واني زوجة الضابط والشيخ يامن عيب بحقك

سكت لان اندك الباب طلع هو يستقبل صديقه بالمضيف وره شوية صاحني استقبل زوجة صديقة وكفت بالمطبخ وهي دخلت وحدة حلوة والعيون خضر وجسم حلو ومتناسق لا سمينة ولا ضعيفة ولازمة بنية صغيرة عيونها اخضر عل رصاصي (مدري شلون لونه 😂) بيضة وشعرها كيرلي واشقر اجنن بنتها ماشاءالله سلمت عليها ودخلتها للصالة

وعرفتها عل خالة والبنات كعدت وكالت:
.... اني اسيل زوجة حسام وهاي بنتي بيلين عمرها اربع سنوات

( سألتها خالة شنو مرضها الي يخليها تعوف بنتها يمنه)

اسيل:
... اني مريضة بغدة سامة وهل غدة تنتشر اذا ما ضربت جرعة فيزيائي

رجعت خالة سألتها عن اهلها واهل زوجها حسيتها استحت وعيونها دمعت من سؤال خالة

اسيل:
... اني وحيدة امي وابوية ازوجو عن حب من طفولة وحيل جانو متعلقين بعض خلفوني بعد سبع سنين ماعدهم ذرية من عمري عشر سنين امي صار بيها كانسر وتوفت وابوية كلش يحبها ومتعلق بيها ايام ينام يم قبرها يكول مااعرف انام بدونها وره وفاتها بثلاث اشهر توفى بسكتة قلبية

* ربتني بيبيتي ام ابوية وعانيت هوايه من نسوان عمامي لما دخلت جامعة وتعرفت عل حسام دكتور بيها وصارت القسمة وتزوجنا واهل حسام ساكنين بصلاح الدين ومنكدر نوديها

كلت خالة هلا بيج وبيها ونحطها عل راسنه يمه حسيتها ارتاحت شوية طول الكعدة بنتها لازمة ايدها وساكته وتباوع علينا صبينه عشا وتعشو وحطينا الضيافة كالت:
.... كلش لايكين البعض انتِ ويامن

ابتسمت كالت خالة:
... حارب هواي يلا خذاها يحبها

اسيل:
... تستاهل ماشاءالله عليها محبوبة وبشوشة وحلوة ولسانها عسل