مهرة الفهد (شهڪة ؏ـشك)

البآࢪت 44 قبل الاخيࢪ

صوتو وعلقو بين الفقرات•

جميعهم معجبين بك الا انا ،
انا يا سيدي مُغرمة

ندك الباب العصر وجانو بيت اهل شهاب
(عمهم مرتضى متوفي وشهاب اكبر اخوانه وهو المسؤول عنهم هم سبع بنات واربع ولد اربعة متزوجات)

مدري ليش حسيت يامن يعرف بجيتهم بلشنا نسوي عشا اني وشهد وسوسن وبنات عمهم ويانه كاعدات يسولفن ويضحكن صبينه العشا سوية لان ماكو احد غريب خلصنه عشا كالت شهد:
.... روحي اخذي الجاي وانه اغسل مواعين

مهرة:
... لا مواعين هوايه هسه سوه نخلص

صبيت الجاي وانطيته لايوب وبلشنه نغسل المواعين خلصت وصعدت بدلت ملابسي ضربت حبوبة الكاع بالعصا مرتين يعني انتبهو عليه سكتو الكل وباوعنه عليها صدت لعمي:
... ابو الحسن انتَ تعرف شهاب واخلاقه وتربيته

جاوبها عمو:
... اي ونعم من شهاب زلمة معدل

حبوبة:
... وشهد محجوزة لشهاب من الصغر

عمي هز راسه اباوع لشهد دموعها تجمعت بعينها وايدها ترجف

حبوبة؛
.... وانه اليوم اطلب شهد حرمة لابني شهاب واريدهم يعقدون قبل ليرجعون للبصرة

عمي طبطب ع جتف شهاب:
... كبع واخذ وبعباتها

شهد طلعت تركض فوك

جاوب شهاب هو عينه ع درج:
.... رحم الله والديك عمي بنتك تثمن بالذهب ويشرفني تصير مرتي

امه كامت تهلهل وحتى خالة لان تحب شهاب ويشابهون كلش هو ويامن بكلشي حددو الجمعة العقد يعني بعد خمس ايام عفتهم يتفقون وصعدت اشوف شهد فتحت الباب رحت لكيتها بالزاوية تبجي كعدت يمها كامت تملخ بروحها وتصيح:
.... ولج مااكدر اتزوجه شلون اعيش وياه وهو يعرف جنت بعلاقة ويه ابن عمه راح يضل مستحقرني وميثق بيه

مهرة مسحت عيونها:
....  والله شهاب زلمة واكيد ماراح يعيرج بهل سالفة لو صدك جان ماخطبج بس هو يحبج صح ميبين هذا شي بس لو مايحبج ماخطبج بعد هاي السالفة

شهد:
.... اخوية مانسى ولا يحجي ويايه شلون شهاب اخاف مهرة ومااكدر اتقبله افهميني شلون اعيش وياه طبيعي وانه متأكد ماراح ينسى غلطي شهاب مو مثل يامن ولج هذا حتى ميبتسم ابوس ايدج اقنعي يامن يخرب الخطبة لتخلوني اسوي شي بنفسي