مهرة الفهد (شهڪة ؏ـشك)

الباࢪت32

شَخصٌ واحِدٌ، وألفُ حُبّ  🤍

راحو كرايبهم كلهم رجعو للبصرة صعدت لغرفتي توضيت وصليت المغرب فتحت باب الغرفة دانزل وصار يامن بوجهي ابتسمت بوجهه هو كال:
..... وين ياحلوة

مهرة:
.... صليت وردت انزل

يامن:
... انتضري اصلي وننزل سوه

كعدت عل جرباية وهو توضى واجه يصلي صلاة وكمل كعد يسبح واشرلي اروح يمه كعدت كدامه كمل تسبيح ومسح عل راسي وايدي وكال:
.... حتى بالاجر اريدج تشاركيني

مهرة:
... بست ايده  اروح فدوه لحنيتك

نزلنه سوه وبنات ديسون عشة دخلت للمطبخ وكلتلهم:
... اساعدكم بشي
كالت شهد بغيض:
... لا مامحتاجيج روحي كعدي يم رجلج لا يخرب نقش الحنة مالتج

استغربت كلامها وطريقتها كالت ايمان:
....شهد ماله داعي هل كلام عل كيفج بنفسج

والتفت عليه وكالت:
... مامحتاجين شي حبيبتي روحي كعدي بالصالة دقايق والعشة يجهز

رجعت للصالة واني مستغربة كلام شهد بس ماخليت بالي كلت يجوز مو قصدها او ضايجة من شغلة انصب العشة وتعشينه صبيت الجاي واخذه امير مني ووزعه عليهم بالتعليلة سوو مفأجاة ليامن بمناسبة ترقية مالته بالدوام جابو كيكة هو فرحان ومبستم واني مصدومة واكفه مثل الهبلة ضجت كلش لان اني اخر من يعلم باوعلي يامن واهز راسه بمعنى شبيج هزيت براسي بمعنى ماكو شي اكلنه الكيك

واني كاعده وياهم عل اعصابي صارت بـ١١ وترخص يامن وصعدنه للغرفة بس دخلنه ونسد الباب وكفت كدامه متخصرة وكلتله بنتر:
... جان لما يصير عدنه اطفال يلا اعرف ترقيتك بدوامك

يامن:
... اول شي مااحب هذا لاسلوب بالكلام لتنترين بوجهي ابد وماانصحج بيها لان راح تشوفين وجه ميعجبج وثاني شي راحت من بالي الترقية لان صارت قبل عرسنا بكم يوم التهيت ونسيتها مو قصدي مااحجيلج

كلتله بس طلعت ثولة كدام اهلك لان اخر من عرف واني اقرب شخص الك كال بضحك انتي ثولة من قبل لتحطيها براسي عضيته من صدره قوية من كثر ماضايجه منه وهو يجر براسي ويصيح شبيج انجلبتي وخرت عنه وكلتله حتى توب تكول عني ثولة وتضم عني شي يخصك كال: اهلج غشوني ماكالولي عنج مجلوبة رجعت عضيته من ايده وهو شالني وذبني عل جرباية وكمنه ناس تكفش ناس اني اكرصه واعضه وهو هم بس ايده اقوة من ايدي طيح حظي بالاخير كمت ابجي من وجع ايدي وهو يضحك عليه وعل شكلي كال حتى بعد متندكين بشخص انتي مو بحجمه كلتله:
.... بجفصه صحيح انتَ فيل واني يمك نملة كال بصدمة منوو الفيل ولج
ادركت شجفصت كلتله ونبي مو قصدي مدري شلون حجيتها ضربني عل حلكي خفيف وكال الزمي السانج راح يعم عليج برطمت وكلتله شبيك متتحمل شقة اووووووي عضني بحنجي وكال انتي الجبتيها لروحج وبدأت الحرب مشت الايام ويامن مغركني بحبه وحنانه يكول اريد اعوض ذيج السنين