مهرة الفهد (شهڪة ؏ـشك)

البارت 40

‏أنت النّعيمُ لقَلبي وَالعَذابُ لَهُ
فَمَا أمَرّك في قَلْبي وَأحْلاك

مشت الايام وصار الوضع من سيئ لسوء بسبب حبوبتهم ونوران وامها جنت بس بشهد صارن تلاثة حتى شهد بعد مالها دخل بيه لان هنه مامقصرت ويسممني بيه عل موضوع الخلفة ولازم اروح لدكتورة وحبوبة يامن تريد تزوجة واني روحي تنسحن من القهر واسكت لان مرة جبيرة وعيب بحقي ارد عليها ولخاطر يامن

مرات خالة دافعلي ومرات تسكت لو توكف وياهن لان كلامهن مقنع شنو شيخ وصار شكد من تزوج ولهسه ماعنده ضنه يوم من الايام غسلت المواعين وشلتهن درجعهن بالكاونتر مدري شلون فلتن من ايدي وكعن بالكاع ونترس المطبخ كزاز لان جانن

هواي حسيت الدنيا فترت بيه من الهبطة اجوي كلهم يركضون اجاني يامن:
.... فدوة الج تأذيتي بيج شي

اريد ارد مااكدر حسيت بوشة قوية بأذني وظلام احتلني وعيت يامن يغسل بوجهي فتحت عيوني

همس يامن بخوف:
.... شبيج يبا شنو يوجعج

مهرة:
.... دايخة راسي يفتر

شهم:
... هبط ضغطج هسه شوية تصيرين زينه

واسمع حبوبته دردم نسوان اخر وكت كسرت المواعين كلهن الفاهيه وسوت نفسها تخربطت مكر وعيارة وابن بنتي راح يموت عليها شفت عمي ماعجبه الكلام بس ميكدر يحجي احترام الها

مهرة همست ليامن واني اكوم:
.... اريد اصعد

لزمني وترخص دنصعد

.... اركض وراها اركض لتنهزم وتخليك قحط نسوان فتحت باب الغرفة وشمرت نفسي بفراشي غطيت حتى راسي

مهرة:
....  عفيه عوفني وحدي مابيه شي بس تعبانه هسه انام واصير زينه روح يمهم حبوبتك راح اضل تحجي

حضني من ظهري:
.... خلي تحجي انتِ مرتي واخاف عليج ممسوي شي لا عيب ولا حرام

مهرة:
... ميخالف لخاطري انزل والله مابيه شي وكول لشهد تنتبه لبيلين الله عليك

يامن:
.... اذا تحتاجين شي بس اتصلي عليه

مارديت عافني ونزل انطلق سراح دموعي كمت ابجي واشاهك بقهر كلامهم سم واني تعبت مااكدر احجي ليامن مااريد اسوي مشاكل ولا اكدر اضل ساكته احس راح انفجر من السكوت عل اقل شي وكامت تحجي عليه مرة انكسر لكلاص

وكع من ايد بيلين وكلت لخالة وكع الكلاص وابتليت عل عمري تقلد وتحجي ماعاجبها ليش اكول وكع مو طاح يمعوده ماكو فرق وكلمن ولهجته تكول لا تشوف نفسها مثقفه واحنه معدان رغم هذا مو

قصدي وهذا كلامي شلون اغيره جانت تسوي سالفة من لا شي ماعدها شي تصيح بت الولاية لو العاكر تعقدت منها وكرهت حياتي ماعده نوران وحركاتها من تشوف يامن بعد شوية وتكعد بحضنه تتعمد تكعد بصفه لو قريبة منه وطول مو هو موجود هي تفتر وراه