مهرة الفهد (شهڪة ؏ـشك)

آلباࢪت 25

وَمن لا يُحبُ عَيناها مّازالَ .
عَن جمالِ الدُنيا أَعمىٰ .🦋

مهرة:
.... جانو الزلم كاعدين بالديوانية ونسوان ويانه بالصالة

كالت حبوبة يامن:
.... ام عمر ولا تهون ام احمد انت تعرفين ذيج الفترة مهرة من جنتو مسافرين بيتنه
وماشاء الله عليها ادب واخلاق وجمال وشطارة جايتكم بطلب وان شاءلله متردونه

كالت امي:

.... حجيه من عيوني اذا اكدر

كالت:
... يشرفنه ناسبكم مره ثانية وجايه اطلب مهرتكم
لحفيدي يامن عل سنة الله ورسوله وتريدو يجرالكم ابنه شاري بنتكم من شافها بيتنه
وانتو تعرفون منو يامن واذا تردون اسئلو عليه اكثر

كالت امي:
...حجيه يشرفنه نسبكم واذا عليه اكلج كبعي واخذي يامن زلمة ونعم منه بس الامر مو بيدي بيد ابوها وبيدها

كلتلها:
.... كوليله ورجعولنه خبر وان شاءلله خير

راحو واني صعدت لغرفتي شمرت نفسي
على فراش واكو فرحة بكلبي يحبني وخطبني يارب عوضني بي خير جنت متأمله ابوية
يوافق لان ماكو سبب حتى يرفض بعدني بتفكيري

وفاتت زينب كالت:
.... يي عيني شيخ وضابط وحب وهالله هالله

مهࢪة:
.... انجبي والله ماكو شي بينه غير كم مرة حجينه
وسوالف عادية

ضحكت واجتي بوستني كالت:
.... والله تستاهلين وزير مو بس ضابط

ضحكت وكلتلها:
.... وزير مرة وحده

كالت:
.... الجمعة يجون بيت خالو سلمان يخطبوني راح
اموت من تفكير

ضحكت وكلتلها:
... واخيرا بس سواها الفاهي جان انتظر نوب فد عشر سنين عليمن مستعجل

زينب:
.... ولج لتحجين عل ختيبي

كفختها عل راسها وكلتلها:
.... طيري انت وياه ازحلكي من يمي اريد انام باجر دوام

( كعدت الصبح سبحت وبدلت صليت
واخذت جنطتي ونزلت قبل لنطلع سمعت

امي تكول لابوية:
..ارجع جواب للعالم فكر بالموضوع والله خوش زلمة واهله هم خوش ناس

ابوي:
...سدي الموضوع انتهى ورجعيلهم خبر مالهم نصيب يمنه

تجمعت دموعي بعيوني طلعت للدوام واني ضايجه كلش على
اعصابي خلصته ورجعت للبيت سلمت وصعدت لغرفتي فتت جوة دوش وشبعت بجي
اريده واحبه وهو هم يحبني حرام ارتاح بحياتي ويه شخص يحبني بدلت وصليت نزلتيم امي لكيتها بالغرفة صدقت من القران

امي:
... شبيج
مهࢪة:
..ليش ابوية رفض يامن

امي:
.... ليش هل سؤال اكو شي بينكم

مهرة:
.... لا ماكو شي بس شنو سبب رفضه
امي:
... يكول
بعدها صغيرة خلي تكمل دراستها

مهرة:
...مو انطاني لابن اخوه شو ماكال صغيرة لو
ماصار جان هسه اني متزوجة