مهرة الفهد (شهڪة ؏ـشك)

الباࢪت 31

بــارت 31

"إنّي أحبّك حبًّا ليس يبلُغُهُ
‏فَهمٌ، ولا ينتهي وصفي إلى صِفتِهْ"

باسني براسي وركبتي وهمس يم اذني: مبروك عليه اميرتي صرنه روح وحده عسى مامتأذيه بست حنجه وكلت:
.. بهمس يباركلي بعمرك مامتأذي ليضل بالك عيونه تتفحصني بخوف خاف اذاني حط راسي عل صدرة وهو يشم شعري قوي كال عطر من جنة وابو فاضل بست صدرة ورجيت راسي عل صدرة وكلتله:
.... هسه يلا احجيلي عن حبك الي رجع شعري وره اذني

وكال: اخخخ منين ابدي من اول يوم شفتج بي من طلعتي من المدرسة وجنتي طفلة 12 سنة وعدها كصايب اثنين شكر
كلتله:
..... بصدمة تعرفني من جنت 12 سنة رجعني عليه

وكال:
..... يي اول مرة شفتج من جبت ندى من مدرستج جانت طبق بيها بس انتي ماشفتيني وضليت فترة واني اشوفج تروحين وترجعين من المدرسة وصرت اعرف كلشي عنج بنت منو،،، منو اهلج،، شتحبين،، شتكرهين،،، حتى مرة جنتي تبجين لان ماجاوبه بلامتحان واخوج يكلج مو اله تسعين مهرة وانتي كلت باعتراض لا طبعاً مااقبل اني المهندسة مهرة ياسر

اباوعله بصدمة:
...... صدمتني كلش ماتوقعت من هلوقت تعرفني حييل قديم يامن

كال:
... يي يراحة يامن ست سنوات اتلوع عليج وشوغات كلبي عليج اهوايه واكثر شي من خطبج ابن عمج اني بحلك الموت وادعي اذا مو نصيبي ارجع لامي شهيد نزلت دموعي

وكلتله:
.... لا فدوة يامن مو هيج تأذيني عليك مسح دموعي وحضني قوي

وكال:
.... صعبه ذيج الايام جنت اموت عل بطيئ وانه اتخيله يلزم ايدج لو يشمج لو يلعب بشعرج  كلبي يوجعني وقمر بني هاشم بست جتفه

وكلتله:
.... بس مصار هل شي لان خلصها بس يشك بيه ويدقق بتفاصيل تافهه
كال:
... من دعائي
كلتله:
.... شلون
كال:
..... اسألي كل محتاج اسألي كل مريض اسألي كل يتيم اسألي كل ام شهيد اسألي الي بدار المسنين اسألي زوار اي واحد اشوف بزيارة بشارع بالميتم بدار المسنين بكل بيت ايدي بي اكللهم ادعولي نلتقي وننجمع بالحلال ادعولي اكدر اخليها تحبني واسعدها كل مرحلة بحياتج اعرفها وجنت وياج بيها بس من طلعتو من رمادي ورجعتي ذبلانه وعيونج طافي اسألي علي شصار بيه بيومها وشسويت ولج ست سنين ماهزتني مرة عيوني ماعينت غيرج شغلي مرات يجبرني اتعامل ويه نسوان وحك زهرة كلبي يوجعني واحس نفسي اخونج اسألي امي شلون حاربت لخاطر بس اعيش هل لحظة وانتي بحضني وعيونج بعيوني يبعد عيوني

ضحكت وكلتله خربت لحظة كلبني عل ظهري وكال حياتنه كلها لحظات عمري كلتله كمل سالفة لتتسوفل كال والله وياج اتسوفل وتبربر وتكحكح وكلهن ضحكت بصوت وهو عضني بركبتي هو مكزكز عليه واني فرفحت جوه وارافس باوعلي وعدل شعري بوسني بوجهي كله همس اذا حلم مااريد اصحى ابد كرصته من صدرة وكلتله مو حلم شوف عضني من جتفي وكال ولج بربوره اكعدي تتأذين مااكدر اتقربلج لتتحارشين كلتله مامتحارشة بس كمل سالفة رجعني بحضنه