مهرة الفهد (شهڪة ؏ـشك)

البارت 34

مَضَت الدنيا وَكأنني افتَقدُكِ بالأمس ولازال خبر وفاتكِ عالقٌ بمَسمعي ولازالَ قَلبي مكسور بفقدكِ ، رَحمكِ الله ياقطعة من قلبي 🤍.

سندتني ايمان ودخلت للهول لزمني يامن سندني كعدت يم عمي مظفر لزم ايدي وكال:
.... اعرفج صبورة ومؤمنة بقضاء رب العالمين الي دسوي حرام هذا اعتراض عل حكم رب العالمين تلطمين وتصيحين وجهج صاير ازرك و مزلغة وايدج هم بابا مو هيج ادري بي غالي عليج وموته كسرج بس كلنا عل هذا الطريق اليوم هو باجر اني وراها انتي كلنا بالدنيا وقت ونروح محد دايم وانتي جنتي وياه ١٨سنة وياه حتى بمرضه حتى من تزوجتي حتى اخر ايامه من فقد وبعد ميذكر من عمت عيونه

مهره من كال هيج غمضت عيوني قوي بقهر وكلت:
.... هو هسه عمى عيوني بموته كسر ضلوع كلبي جان يكلي انتي فراشة وهسه انكسرت جناحاتي اني اعرف كل الي يصير بي هل مرض تالي يموت بس جان املي بربي جبير مااتخيلت بيوم يموت ويعوفني عدنه وعود واحلام جنه سوه متفقين نسويها جان منتظرني انجح من سادس ونروح للعمرة جان منتظر ابني حتى يلعب وياه ويشتريله العاب جان واعدني اذا الدنيا كلها تتخلى عني وتعوفني يبقى بظهري وسندي جانت احلم باليوم الي يطيب بي وازوجه واشوفه عريس مو اشوفه بالجفن ويغطي طوله التراب ضربت عل وجهي باخر حجاية

لزم ايدي عمي وكال:
.... تعترضين عل امر الله

هزيت راسي بلا واني ابجي كال:
.... كولي يالله رب العالمين يكول ﴿ وَبَشِّرِ الصَابِرِين ﴾

الصبر من الله الله يصبرج ويقويج ادعيله هسه هو محتاج الدعاء هزيت براسي بس مااكدر احجي اهوايه بلاعيمي مجرحه من الصياح كال عمي:
.... كولي (اللهم اجرني في مصيبتي وخلفني خيراً منها)

هزيت راسي كال:
... يلا سمعيني

كلت الدعاء باس راسي عمي وكال:
.... ادري بيج سبعة وصبورة طلع عمي وضليت اني ويامن بس التفتلي وفتح ايده رحت بحضنه بسرعه وصرت اشاهك بقوة وابجي واكله مات علي يامن مات سندي باس راسي هو يكول الله واهل البيت يصبروج دنيتي لازم تكومين عل حيلج وتاكلين ولتنسين انتي حامل وحرام دتعذبين الطفل وياج صار ثلاث ايام انتي بدون اكل وكل شوية متخربطة وضاله عل مهدئات مو هيج رويحتي انتي حضنته

قوية وهمست:
.... مو بيدي والله يامن كلبي يوجعني وجمرة مشتعلة روحي شلون اصبر واعيش هو ماكو كسرني والله

كال:
..... ادري وعلي وفاهمج واعرف شعورج بس مثل ماكال عمج هاي الدنيا وكلنا نموت ماراح تموتين نفسج وراه وانتي روحين وخرني من حضنه

وباس ايدي وكال:
....مااتحمل اشوفج هيج ربيع كلبي صاير خريف من الضعف ابتسمت  اريد مهرتي القوية المؤمنة الصبورة اريدج انتي تصبرين امه وتقويها ولج اشوف امه اسبع منج اوعديني تاكلين وترجعين قوية