مهرة الفهد (شهڪة ؏ـشك)

البارت 37

ًيخُبرَنيّ يومًا بأنهُ يَحُبنيّ
كان مشَغولاً علىٰ الدَوام فيّ إثَبات ذلِك ..

بلشت بدراستي ويامن سوالي جدول شلون اقرا ونظمه بين شغلي بالبيت وبين دارستي وبين دوامي بالمدرسة ونومي واستراحتي واني امشي عليه بالمضبوط والدرس الي ماافهمه هو يشرحه الي حتى لو جان بالدوام بالليل نتصل كامرا ويشرحلي ماتركني ابد وحيل هواي ساندني صار عليه ضغط كلش جبير هل فترة لان عيالي شيوخ والبيت ميفرغ عليه تنضيف الطابق الثاني ومواعين الغدة

جانت شهد تخبث هواي ويايه ولهسه مااعرف هي ليش هيج ضايجة مني رغم قبل لا اتزوج يامن تحبني وعلاقتنه حلوة جنت اغسل مواعين الغدة واصعد انام ساعة واكعد اقرا بس المشكلة خلال هل ساعة الي انامها الكه شهد جامعتلي مواعين بالسنك مال عزيمة مرات احس ماكو ماعون بعد بالكاونتر

وخالتي تتخبل اذا تلكه ماعون بالسنك تنكلب فرعون لان تحب المطبخ 24 ساعة يلمع تكول هو اساس البيت والي مطبخها وصخ هي وصخة وشهد عناد بيه وعلمود يحجون عليه توصخ المواعين وتعوفهن بالسنك هواي سوتها واغلس اغسلهن واسكت مااريد مشاكل
اروح اكللها:
... ليش هيج تسوين

شهد تكول:
.... انتِ شنو حاسبه نفسج شيخة انتِ خلك چنة بهل بيت وغصباً عنج تنظفين ورانه لان هذا شغلج

اتعب لان اني نوم ماانام صحيح وهاي هيج تسوي خالتي من تحجي هم احترك حرك اسمع واسكت نزل يامن من دوامه واستقبلته بحظني مشتاكتله وحاولت انطي من وقتي الماكو من وره السادس والشغل وهو سوده عليه فاهمني ومقدر وضعي وساكت دزيت عليه خالتي وره العشه وراحو لغرفتها عرفتها راح تحجيله علمود المواعين صعدت لغرفتي سبحت وبدلت بكيمونة وتعطرت وشغلت الشاشة انتظر يامن يجي فات يامن ماحجه عكس ماتوقعت ضل ساكت بدل ملابسه واجه يمي كمت جبت تعليلة محظرتها وجبت النركيلة انطيتها اله طلعت فلم وكعدنه هدوء بس صوت الفلم وتدخين يامن اني هم

ماحجيت جنت حاطه راسي عل صدرة وهو ايده عل شعري همس: مهرتي كومي شيلي الحبشكلات وطفي الشاشة وتعاي عندي شغلة وياج كمت رجعت كلشي المكانه وطفيت الشاشة

كعدت كدامه كال:
... انه مقدر وضعج وادري عليج ضغط جبير من البيت والدراسة بس انه سويتلج جدول وانتِ ملتزمة بي صح

مهرة:
.... صح

يامن:
.... ضمن الجدول شغلج بالبيت انتِ بيت شيخ وهواي احنه مو نفر لو نفرين وانتِ عليج المطبخ امي تكول تعوفي وصخ وكم مرة تحجي وياج ونفس الشي

مهرة:
... يامن والله انظفه كله يلا اصعد وداعتك عندي مامقصرة بشي

يامن:
.... چاا امي تتبلى عليج ادري عندج دراسة بس هذا واجبج مادامج عايشة بهل بيت

مهرة:
....  والله انظفه كله ومااخلي اي شي بي بس شهد توصخ مواعين عناد بيه

استغرب وكال:
... شهد شدخلها مهرة ليش دخليها كولي اتعب ومااكدر لتذبيها عل شهد