مهرة الفهد (شهڪة ؏ـشك)

الباࢪت 5

مهرة تكول:
لو ما الظروف الي مريت بيها انت جان بقيت تعتقد كُل الي حواليك سند.
-

گعدت الصبح بـ7 كمت من فراشي

كتبت لاياد
.... صباح الخير
غسلت وتوضيت وبدلت ملابس وطلعت صليت ولفيت شالي وكعدت وي خواتي واخوتي وشفت وشفت جنطتي قفلت الجنطه ولبست الجاكيت
اشترة لي احمد حنيني علاقتنه كلش قويه واكثر من خوة نزلت شفت ابويه وامهاتي كاعدين على ريوك ابتسمت على منظرهم الي يحلي يومي بشوفتهم دعيت ربي يديمهم الي صبحت عليهم وبست رؤسهم وكعدت انتظر يشرفن الاميرات

بابا
... هاج مهرة

انطاني جبن وكوب چاي باوعت عليه

مهرة
.... يعمري والله ما اكدر ما احب اكل اول ما اكعد

بابا
.... اكلي بس هاي لخاطري

ابتسمت وبست ايده واخذته اكلته
غسلت وعدلت على مرايه ونزلو اخواتي

مهرة
.... واخيراً نزلن اميرات ديزني

رد بابا
..... لا ذني اميرات كلبي

طفرن على بابا يبوسن بيه ابتسمت ودزيت بوسه بالهوة
طلعنه للدوام
وكريم فاتح عين وحده بالكوه يمشي وكايدته وامشي ويتعثر وصلنه للمدرسه باس ايدي وكال:

كرم
.... صدك من كال ابويه اميرة

ضحكت ورحت لمدرستي
...
شافني بنات كالن:

بنات.... طارو معجبين شافوج مجلبه بيد كريم وعبالهم رجلج

مهرة باوعت لهن
.... اخوتي يسوون الزلم كلها
بلشت الدروس وكلشي مافهمت انصطرت من المدرسات

اجتي طالبه  كالت
.... ست الطالبه مهرة رايديها بالادراة

المدرسه. روحي
رحت لإدارة وشفت مدرس صاااك
مهرة... هذا الوجه الزين مو وجه نضال يطير العافيه
فتت بثكل وشخصيه
نعم ست طالبتني
...
المدرسه كالت
... اي هذا استاذ عمر مدرس العربي الجديد مالكم

ابتسمت بس طبعا بكلبي:
اكتبي اسماء بنات وين واصلين بالعربي
وجيبيهن اله باجر

مهرة
.... صار ست باجر يمج كلشي
المدرسه:
..... تمام تسلمين مهرة
مهرة.... ادللي ست
رحت للصف وكلت للبنات اجانه استاذ يطك بالكاع بدال ست بعير اقصد عبير