LOMEO | zhanyi - COMPLETE

04

" අහමුද ගිහින්" 

මම නතර වුණ නිසා නතර වුණ වයාන් ගෙන් මම ඇහුවේ සමුද්‍රා පොත් හලක් ළඟ ඉදලා.

"අලුතෙන් ඕපන් කරේ. බලමු." 

ඇතුළය ආවම මම අරගෙන ආව බෑග්ස් බෑග් කවුන්ට එක උඩ තියල අපි ඇතුළට යන්න හැරුණා.

"මොනවද ගන්නේ." 

සේල්ස් ග'ල් කෙනෙක් ඇවිත් ඇහුවම මමයි වයානුයි මූණෙන් මූණ බලාගත්තා.

"සේවක ඇබෑර්තු කියල තියෙන්නේ..."

 "ආ..ඔව්. ඉන්න... අමාය අක්කා. මෙයලා ඔයා හම්බවෙන්න ඇවිල්ල ඉන්නේ" 

මගෙ උත්තරේ එක්ක ඒ අක්කා කවුන්ට එකෙ හිටපු තවත් අක්ක කෙනෙක් පෙන්නුවා.

"ඕ.. ආ..එන්න ඇතුලට" 

ඒ අක්ක ඇවිත් අපි දෙන්නව එක්කන් ගියේ සේවකයන්ට පමණයි කියල ගහල තිබුණ දොරකින් ඇතුලට. ඒක ඇතුලේ පෙට්ටි නොකඩපු බඩු පුරවලා තිබ්බම එතනින් අපි නැග්ගේ දෙවෙනි තට්ටුවට.

"ඔයාල නුවරද"

"මම ජොබ් එකක් බලන්නේ නෑ. මම නුවර මේ ඉන්නෙ මගෙ කසින් අයියා . මෙයා කොළඹ.දැන් මෙහෙ තමා ඉන්නේ"

"එතකොට ඔයාගෙ විස්තර එහෙම ගන්න පුලුවන් ද අපිට"

 ඒ අක්කා එතන මේසෙ එක්ක තිබුන පුටුවෙ වාඩි වෙලා අපිට වාඩි වෙන්න කිව්වා. ඔෆිස් රූම් එකක්. පැත්තකින් වීදුරුවක් ගහල වෙන් කරපු මැනේජර් ගෙ සීට් එකත් තියෙනවා.

"ම්ම්.. අපි හදිස්සියේ දැකලා ආවෙ. එහෙම මොනවත් අරගෙන ආවෙ නම් නෑ දැන්"

"මට විස්තර කියන්න බලන්න. ඔයාගෙ නම, ඉස්කෝලේ,ඒ ලෙවල්ස් කරා නම් ඒ විස්තරයි දැන් නතර වෙලා ඉන්න තැන වගේ ඒවා"

"මම ශාදිත තරුමින්, වයස විස්සයි, ඉස්කෝලෙ කොළඹ නාලන්දේ , මම ඒලෙවල් කරා languages කරේ...french, english, IT මේ අවුරුද්දේ කරේ ,දැන් ඉන්නේ මේ.."

"...මෙතන පල්ලිය ළඟ . තාවකාලිකව ඉන්නෙ. එක්ස්ප්‍රොග්‍රැපි එකට උඩ. අද තමා පදිංචියට ආවෙ."

 මම වෙනුවට වයාන් උත්තර දුන්නා.

"ආ.. මේ ළඟ. එතකොට කිව්වොත් ඇයි රස්සාවක් හොයන්නෙ කියල.ඔයා පොඩි ළමයෙක් නේ"