LOMEO | zhanyi - COMPLETE

07

" මෙහ්.. අයියේ.."

"ම්ම්.."

"එක්කෝ ඕනෙ නෑ.."

"කී වෙනි පාරද ඔය ඈ.."

"සොරි අනේ.. කියන්න බෑ..නිදාගන්න."

මම ඒක හිතන එක නතර කරා. මම වයාන් ට හේත්තු වෙලා පාරෙ ලයිට් එළිය වැටෙන ජනේල් තිර දිහා බලාගෙන හිටියා. මගෙ උරහිසට හාදු ගොඩක් තිබ්බ වයාන් එතනටම කම්මුල තියාගෙන නිදි. කොයි වෙලාවෙ අල්ලගත්තද දන්නේ නැතිව මම එයා මගෙ වටේ දාගන හිටිය අත අල්ලගෙන හිටියා. එහෙමම නින්ද ගිහින්.

පහුවදා අම්මා කතා කරනකොට අපි දෙන්නම නැගිට්ටේ.වයාන් ඉස්කෝලේ ගියේ නෑ. මම තනියම ශොප් එකට ආවා. අදත් එහෙ එන්න කියලා අයියා කිව්ව නිසා මම හවස එහෙ යන්න ඕනේ. ශොප් එක වහනවත් එක්කම මම දුවලා ගිහින් බස් එක්කට නැග්ගා. හිතේ දෙගෙඩියාව තිබ්බ මේ රෑ බැහැගන්න බැරි වෙයිද කියලා.බස් එකට නැඟලා වයාන් ට කෝල් එකක් දුන්නා . හරියටම බෙල් එක ගහල ඉස්සහර දොරට ඇවිත් බහිනකොටම වයාන් බහින තැනත් තියෙන ඔරලෝසු කණුව පිටිපස්සේ ඉදලා එලියට ආවා.

"තනියමද ආවේ."

"නෑ..ආං අයියා ගියා එයාගෙ යාලුවෙක් දාන්න. යන් එයා එනකන්." 

වයාන් ටෝච් එකක් අරගෙන ඇවිත් හිටියා.ගේ ළඟට යනකන්ම අයියා ආවෙ නැතුව ගේට් එක ළඟටම ඇවිත් වෑන් එක නතර කරල නඟිනවද ඇහුවා.වයාන් අයියට මැඟිල්ල පූජා කරලා මාත් එක්ක ඇතුළට ආවා.

"කාල ඉමුද.."

"හා.." 

මම ඒ පිටින්ම කාලා ඇඟ හෝදන් ඇඳට ආවා.අම්මලා පේන්න නෑ .නිදි වෙන්න ඕනේ.

"එන්න එන්න. පාටි එකක් දාන්න."

"දැන්.."

"ඔව් ඔව්.. අම්මලා නිදි.. අයියගෙ කාමරේට යන් ..දොරවල් දෙකම වහල නිසා එච්චර සද්ද නෑ."අපි අයියගේ කාමරේට ඇවිත් දොර වැහුවා..අක්කත් ඉන්නවා.

"එන්න එන්න..සින්දු කියන්න පුලුවන් නේ.." අක්ක එහෙම කියන ගමන් කාමරේ ලයිට් ඕෆ් කරල පීසි එකේ ට්‍රැක්ස් දැම්මා. පාට පාට ලයිට් යනවා වටේට ක්ලබ් එකක් වගේ.

"පොඩි උන්ට සැර නිසා අපි කෝක් ගෙනාවා." රියල් පාටි එකක්.. එක වගේ වෙනකන් හිනා වෙවී සිංදු කියල නටලා අපි කාමර වලට ආවා.