#البارت 1
#مليكة_قلب_صعيدى
#فيروز_مغازى
كانت بتجرى بسرعة رهيبة بين الطرقات مش عارفة تروح فين، بتذرف دموعها بغزارة، خوف، رعب من مستقبل مجهول، ظلم كاسح بيجرى خلفها دايماً كابوس ملاحقها ملهاش فيه ذنب يُذكر، بتجرى وانفاسها بتتلاحق بصعوبة بتجر فستانها المتمزق بتتلقت حواليها وقلبها بينبض بخوف شديد..
من اهـل محدش يعرف فيهم رحمة ولا تفاهم !!
كانت فى طرقات مقطوعة، مفيش فيها غير اضاءة خافته، لمحت صديقتها من بعيد بتشاورلها عند بيت متهالك، جريت عليها وكأنها طوق النجاة دلوقتي.
دخلت للبيت وصدرها بيعلو ويهبط بسرعة رهيبة، اتخبت مع صديقتها فى ركن مظل بتتمنى محدش يلاقيها فيه، بتتمنى ترتاح من كابوس مش عايز ينتهى او يخلص.
چورى فتحت ازارة ماية:
- خدى يا مليكة، اشربي ريقك كده هينشف يا حبيبتي.
مليكة التقطت منها الماية:
- ممتشكرة يا چورى.
چورى بحزن:
-العفو يا حبيبتي.
مليكة شربت الازارة كلها، وانفاسها بدات تنتظم، حست ببعض الامان لما اتخبت منهم.
اكيد لو عثروا عليها هتكون نهايتها حتماً.
رغم براءتها !!
چورى: دلوقتي هربتى يا مليكة لو لقوكِ تانى، هتعملى ايه !! دول وحوش.
مليكة بدموع: مش عارفة، خايفة منهم.
چورى: هما دلوقتي افتكروا ان ليهم بنت أختهم !!
ولا حابين يصتادوا فى الماية العكرة !! ايوه اللى اتقال عنك مش سهل يعدوه بس هما ملهمش حق.
مليكة مسكت راسها باختناق: الكلام مش حقيقى والله العظيم حرام، حتى أنتَ مصدقة !!
چورى تنهدت: طب أنتِ عندك تفسير !! كل الادلة ضدك اولهم اختبار الحمل اللى لاقيناه فى المصنع.
مليكة: مش بتاعى والله ما بتاعى.
چورى: طب اهتمامك بالمهندس خالد، وكمان الفترة الاخيرة كنتِ بتخرجى بدرى من المصنع.
مليكة سكتت ومعرفتش ترد بإيه.
چورى كملت:
- ممكن تقوليلى كنتِ بتروحى فين !! وده كله كوم والصورة اللى امك لقتها فى دولابك للمهندس خالد كوم تانى، ايه فى مبررات !!!! انا لو كنت بساعدك فده عشان احنا جيران وصحاب وعشرة عمر.
مليكة اذرفت دموعها بالم من الظلم:
- والله العظيم كدب يا چورى، انا معملتش كده، انا شريفة والله شريفة، واختبار الحمل مش بتاعى..
أنت تقرأ
مليكة قلب صعيدى
Romanceهو ايوب القناوى كبيرة عيلة القناوى يهابه الجميع، يخافه الكبار قبل الصغار، له مكانته وسلطته ونفوذه، ملقب بـ «أسد الصعيد» رغم ذلك يكوت معاها انسان آخر عاشق لها، عشق صعيدى، بطريقة اكتر اختلاف مما تمنت.. هى مليكة جابر القناوى، لكنها تكره هذا اللقب بشدة...
