مليكة قلب صعيدى

الفصل الثالث ❤

البارت الـ³
لـ «مليكة قلب صعيدى»

★ متنسوش الفوت يا حلوين ❤.

-------------------------------------------

راضى بمجرد ما شاف أيوب ايده سابت واترعب، مليكة استلغت خوفه، وفلتت من إيده وجريت ع أيوب متعرفش ليه حست إنه طوق النجاة..

أستخبت خلف ضهره وعيط.

مليكة مرعوبة: عايزين يقصوا شعرى..

رضا اتعصبت بصت لفادية: عملتيها وكلمتيه يا فادية، مااااشي، يارب بس يعرف يغسل عـاره بأيده..

أيوب بحدة: طول ما أهنه، مش هسمح لمخلوق ينطق حرف واحد ما خالتى واااااصل، لمى عيالك، عشان لو حد منيهم وقع تحت يدى، هنسيه أسمه..

راضى مضايق منه: وانت لسه فاكر أختى دلوقتي!!! ماهى مرمية من ساعة ما جابر عمك مات، حد جيه سال عليها !!!

أيوب بصرامة: أقفل خشمك، ولما تبقي خابر متقول إيه تعالى كلمنى، أنت اللى عامل فيها سبع الرجال وافتكرت خيتك دلوقت، أنا ماااشى ولو سمعت حد أتعرض لخالتى، ولا مليكة نهايته هتكون ع يدى..

بص جمبه للحارس جمبه

_ صبحى چهزت العربية عشان هنسافر دلوك..

صبحى هز راسه: چاهزة يا كبير..

أيوب عدل الشملة: تمام، يلا يا خالتى، يلا يا مليكة.

مليكة راحت ناحية يسرا ومشيت جنبها..

جورى طلعت بارتباك، أيوب خد بالـه من وجودها معاهم، اتكلم بصوت خشن:
- أنتى مين يا حُرمة !!!

مليكة ردت بضيق: دى أختى وصاحبتى جورى هتروح معايا البيت، يلا يا ماما نمشي لبيتنا..

أيوب بصـرامة: بيت مين يا أم بيت !!! أنتِ من دلوك ملكيش قعاد الأ عندينا فى قنا، ومش عايز حرف واحد لحد ما نوصل.

مليكة اتعصبت: لا بقي، انا مش هروح مع حد، ماما أتكلمى..

فادية بغضب: كلام أيوب هو اللى هيمشي، ومش معنى أنه خدك من إيد ستك، هتفكرى أن الموضوع خلص، لا يا عين أمك..

مليكة بنرفزة: بس انا معملتش حاجة، وهو مش كاسر عينى عشان أسمع كلامه من غير ما انطق..

أيوب زعق بغضب: أخرسي خااالص من عايز اسمع حسك لحد ما نخلص الموضوع..

مليكة رغم خوفها ردت بتحدى: لا هتكلم، عشان انا واحدة حرة، أعيش ع كيفى، مش زي حريمكم اللى من الصعيد بتبقى ولا كأنها عبدة وخدامة عندكم تتحكموا فيها..

أيوب عيونه أحمر من الغضب وضربها بالقلم: حريمنا اللى متتكلمى عليهم دول أمى، وأختى، ودول تاچ على راسى، مسمحش لأى مخلوق ع وش الأرض يتكلم عليهم باسلوب مش كويس..

مليكة حطت إيدها ع خدها وعيونها اتسعت: أنت، أنت إزاى..

أيوب بصرامة: هششش إركبى العربية، خديها يا مرت عمى، عشان لو مسكتها هتخدلها عيارين يجيبوا أجلها..