مليكة قلب صعيدى

الفصل الرابع ❤

#مليكة_قلب_صعيدى.
فيروز أحمد مغازى

( البارت الرابع )

فى نص الليل صحيت من نومها، مفزوعة وعيونها مليانة دموع، انتبهت انها فى الواقع، حطت ايديها على وشها بتعيط بصوت مكتوم من الوجع..

جورى بقلب اعتصره الالم من سنين: ليه اتكتب عليا أتوجع تانى، كنت قربت أتعافى ليه شوفت عمر ليه، هو شبه أعز انسان دخل قلبى وحياتى..

قامت غسلت وشها واتوضت، وخرجت صلت بكل خشوع ودموعها بتنزل، حست ان راحتها فى قربها من ربنا، بعد ما خلصت صلاة دعت بقلب موجوع ربنا يريحها وينسيها، دعت كتير جداً بعد ما دعت وخلصت قامت سندت المصلية على جنب وغطت مليكة كويس جداً وطلعت البلكونة عشان تشم هوا نضيف، شافت قد ايه حديقة البيت حلوة، والمنظر فيها يرد الروح، قررت تنزل تحت شويه..

لقت مرجيحة صغيرة عند الشجرة، قعدت عليها، وغمضت عينيها بتعب شديد وغصب عنها افتكرته، افتكرت حبيب ايامها اللى فارق وسابها للدنيا..

جورى دموعها نزلت: ليه سبتنى يا يحيى، ليه بعدت! قولتلى لما أغمض هشوفك فى خيالى ولما افتحها هشوفك فى الواقع ليه دلوقتي مش بشوفك..

= چورى !!

فتحت عينها بلهفة لما سمعت صوته، شافته قدام عينيها بنفس طلته اللى بتهز كيانها وبتسرحها بدون سابق إنذار اندفعت بكل ما فيها وحضنته..

جورى بدموع وأشتياق: وحشتنى أوى، ليه غبت بس ليه بعدت عنى وانا فى امس الحاجه ليك.

عمر ارتبك من حركتها: چورى !!

جورى خرجت من وحضنه وبصت لملامحه وايدها على لحيته النامية مبتسمة رغم دموعها:

= عيون جورى وروح قلبها من جوة.

عمر وقلبه بينبض: أنا مش..

جورى مقاطعة بحزن: مش بتحبنى !!

عمر بانفاس مضطربة: مجولتش اكده، انا بس..

جورى قربت لدرجة اختطلت انفاسهم: متقولش، انا بس اللى هقول، أنا بحبك، ووحشتنى أوى.

عمر كأنه تغيب لما شم انفاسها الحارة اللى بتلفح خده بنعومة، مبعدش عنها أنش واحد، جورى قربت أكتر وباسته بشوق ولهفة مجنونة، عمر رغم صدمته مقدرش يبعد كأن انفاسها ادمان، كأنه متعود عليها، وعلى حبها اللى واضح وضوح الشمس فى نظراتها.

جورى حضنته بانفاس مضطربة: متسبنيش.

عمر فاق لنفسه انتفض: بعدى عنى، بعدى..

جورى كأنها فاقت: ااانت انت عمر !!

عمر بتعب وندم كبير: أمال هكووون مين !!

جورى دموعها نزلت: أنتَ أنتَ ازاى سمحت لنفسك تقربلى، أنتَ واحد زبااالة وعار على البشر.