මල් වරුසා 🌼
7 කොටසමලෝත්තයි.. මලෝත්තයි කියන්නෙ මලම මල මලෝත්තයි.. ට්රිප් එකක් කියලා එක්කන් ආවේ බුදියගන්ඩ කියලා කවුද හිතුවේ.. අනික තාම රෑත් නෙවෙයි.. මොන ලබ්බකට අක්කා අරූ එක්ක අරක අස්සට රිංගුවද මන්දා මාව මේකි එක්ක මෙතන තියලා..
මගෙ සෂ්මිගෙයි බෑග් කොහොමහරි ඒ රූම් එක ඇතුලේ තියෙන්නෙ.. වැඩකරන මනුස්සයෙක් අපි කාර් එකෙන් බහිද්දි ඒවා අරගෙන ගියා.. දැන් මගෙ බෑග් එක ගන්න මේක ඇතුලටම රිංගන්නත් එපැයි.. ඒත් සෂ්මි පොඩි එකෙක් නිසා එහෙම මගෙත් එක්ක ඉන්න එක හොදද එයා මගෙ නෑනා කෙසේ වෙතත්..
" පොඩි අයියේ.. "
" මේ අහනවා සෂ්මි.. තමුසෙලගෙ අක්කා මොකක්ද මේ නටන්න හදන දහඅට සන්නිය ඇත්තටම ? "
ඒකි අඩියක් මගෙ ලගට තියද්දි දොර ඉස්සරහා තාමත් හිටගෙන ඉන්න ගමන් මං ඇහුවෙ එහා කාමරේට ගිය උන් දෙන්නාගෙන් එකෙක් වත් තාම එලියට ආවේ නැති නිසා..
" මොන සන්නිද අනේ.. මිගාර අයියා අපේ අක්කිගෙ බෝයිෆ්රෙන්ඩ් නෙහ්.. "
" අනේ මේ කුනුහර්ප අහගන්න එපා හරී.. අක්කට ආව ප්රපෝසල් එකට කැමති වෙලා නම් තියෙන්නෙ.. මේ මොන හුත්#ක්ද ඕයි !! "
" ම්.. මොනාද අනේ කුනුහර්ප කියන්නේ... "
අහ් මෙයා බබා.. තොත්තම තොත්ත බබා.. එන්නකෝ හරහට අරන් කිරි දීලා නලවන්න.. හැබැයි එහෙම කිව්වොත් මේකු එකපයින්ම කැමති වෙයි දෙපයින් කෙසේ වෙතත්.. මගෙ ඇගේ ඇලෙන්න බලාගත්ත ගමන්මයි. නෑනා වුනා කියලා මස්සිනා වෙච්ච මං මේකිට සින්නක්කර ලියලා දීලා නෑනෙහ්..
" සෂ්මි තමුසෙ බබාද කුනුහර්ප නොදන්න.. අහ් එහෙනම් එනවකෝ.. අපි පහලට යමු.. මං තමුසෙට ක්ලාස් එකක් දාන්නම් කුනුහර්ප කියලා දෙන.. "
බෑග් බැරි නම් ඕන මගුලක් තියෙද්දෙන් කියලා නංගිවත් තල්ලු කරගෙන මං පඩිපෙල බැහැන් පහලට ආවේ වොලට් එකයි ෆෝන් එකයි ලග තිබ්බට පින් දෙන ගමන්..
YOU ARE READING
✲ මල් වරුසා ✲ ✔️
Non-Fiction✅ COMPLETED මේ වසන්තයේම ගත වී යන්නට පෙර, තුරුලේ ඇහිරෙන්නට පතමි මම...