✲ මල් වරුසා ✲ ✔️

125 කොටස

මල් වරුසා 🌼
125 කොටස

"උබව ගෑණුන්ගෙන් පරිස්සම් කරන්න මට දැන් ආමි එකෙන් ගෙන්නන්න වෙනවා අගත්...!! හිටපන්.. හිටපන් අරකිටත් ඕනෙ උබේ ඇගේම එල්ලෙන්න.. වෙලාවට මමම ඒ මැසේජ් එක දැක්කේ..."

මගෙ ඇපලෙන් ෆොටෝ එකක් ගන්න ඕනෙයි කියලා ෆෝන් එක ගත්තු එයා පරල වෙලා කෑගහද්දි අපිට රෑට කන්න බත් බෙදන ගමන් හිටපු මගෙ කන් දෙක කීං ගෑවා.. ඒ තරම් හයියෙන් අඩි පොළවෙ ගගහා කොච්චියා කෑගැහුවෙ.. ආමි එකකුත් ගෙන්නනවා කියන්නෙ. ඒ පාර මොකද..

" බබා... එන්න බත් කවන්න.... මාළුත් බැද්දා මම..."

" බත් නෙවෙයි බත් නෙවෙයි... කවපන් මට වහ ටිකක්.."

" අහ් ටිකක් ඉන්න... හාපික් එක අරන් එන්නම්..."

" මිනිහෝ....!!! "

එයා මූණ රතු කරන් නප්පෙට තද වෙලා කෑගහන වෙලාවට ආතල් එකට ගන්නෙක තවත් මරු. පිගානට කොත ගහලා බත් බෙදාගෙන හිටියත් එයා කුස්සියට ආවෙ නැති වෙද්දි මං කාමරේ දොර ගාවට ගියා.. බාත්රූම් එකේ තිබ්බ හාර්පික් එකත් මතක් කරගෙනම...

" ඇයි අර සාරංග කියන්නෙ.. රතු එක බාත්රූම් එකට නිල් එක ලැට් එකටද මොකක්ද... ඕකෙන් ටිකක් බීපන් මට වෙන වහා හොයන්න යන්න බෑ මේ රෑ.."

කකුල් දෙකත් ඔතාගෙන ඇදේ වාඩිවෙලා හිටපු කොච්චියා හුටු හුටු ගගා මට බනින ගමන් මගෙ ෆෝන් එක ඔබන්න ගත්තා.. මූව වැඩිය කේන්ති ගස්සන්නත් හොද නෑ හැබැයි මේක පොළවෙ ගැහුවොත් මොකාට කියන්නද.. ලක්ෂ කීයක් කියල යකෝ...

" ඔය ෆෝන් එක පැත්තකින් තියලා එනවා මෙතනට කවන්න.. කන වෙලාවට ෆෝන් ඔබන් නෑ.."

" මට කන්න ඕන නෑ මට මේ පරට්ටිට..! "

" කාටද ඔය බනින්නෙ... පරට්ටි ගගා... "

මොකාට බනිනවද දන්නෑ හැබැයි එයාගෙ අතේ තිබ්බෙ මගෙ ෆෝන් එක.. පරට්ටි කියන්නෙ ඉතින් අනිවා ගෑණු පාර්ශවයක් වෙන්න ඕනානෙ.. ඉදගත්ත පුටුවෙන් නැගිට්ට මං බත් පිගාන පුටුව උඩම තියලා ඇද උඩ ඉදන් ඉන්න එයා ගාව තිබ්බ මගෙ ෆෝන් එකට එබුනා..