✲ මල් වරුසා ✲ ✔️

74 කොටස

මල් වරුසා 🌼
74 කොටස

වාහන වල තදබදය එක්ක හතරවටින් ඇහෙන හෝර්න් සද්ද..මිනිස්සු කෑකෝ ගහන සද්ද.. ඒ සේරමත් එක්ක සයිවර් කඩේ ඇතුලේ යන සිංදු... ඔව් ඔව්.. ආයෙමත් ඉස්කෝලේ ජීවිතේ පටාන් ගන්නයි යන්නේ.. මාසෙකට කිට්ටු කාලයක් ගෙදරට වෙලා ඉදලා ආයෙමත් දුවන්නයි මේ ලෑස්තිය.. රේස් එක..

දහතුන වසර පටන්ගත්තේ ඒ විදිහට.. වෙනදට රාජගිරියෙන් සැරියට බස් එකට ගොඩවෙන මගෙ හීන කුමාරයා අද මගෙත් එක්කම බත්තරමුල්ලෙන් සැරියට ගොඩ වෙද්දි ගොඩක් ඇස් අපේ දිහාට හැරිලා තිබ්බත් මේ ලෝකේ ගානක් නැති මිහිරාන් මුලින්ම එයාට ඇතුලට යන්න දුන්නා..

" හම්මට බොසා.. සෑහෙන කාලෙකට පස්සෙ..."

" ඒකනෙහ්.. කොහොමද කල්ප... "

වෙන ඉස්කෝලෙක කියලා සැරියෙන් ආශ්‍රය කලේ ඔච්චරයි මම.. කතා කරන හැමෝම එක්ක කතා කරන බව ඇත්තක්.. ඒත් කතා කරන හැම එකාම යාලුවො ගොඩට වැටෙන්නෙ නැතුව හිතවත් ගොඩට වැටෙන්නෙ අන්න ඒ නිසා. මොකද කතාබහ කරපු පමණින් යාලුවෙක් වෙන්නේ නෑ..

වෙනදට වගේම එයාට සුපුරුදු සීට් එක ලැබුනත් මං එතන හිටපු පොඩි එකාව නැගිට්ටවලා වාඩිවෙන්න හැදුවෙ නෑ.. ඒ වෙනුවට එයාට ජනේලෙ ගාව නැතුව මගෙ ලගින්ම ඉන්න පුළුවන් විදිහට ඉදගන්න ඉගි කරා.. හේත්තුවක් දාගෙන යන්න විතරයි තියෙන්නෙ..

" සර්ගෙ නිවාඩුව කොහොමද..? "

ජනේලෙ ගාව ඉදගෙන හිටපු කෙල්ල එයා දිහාට හැරිලා අහද්දි මගෙ ඇන්ටනාව ඒ දිහාට වැටුනේ කවදාවත් කර කපපු ඉස්කෝල ගවුම ඇදපු එකියක් එයා එක්ක කතා කරනවා දැකලා නැති නිසා..

" අහ්.. මගෙද ? වරදක් නෑ දරුවෝ.."

" ම්ම්ම්.. හැපී නිව් ඉයර් සර්..."

අන්න එහෙමයි එයාලා කතාව පටන්ගත්තේ.. කොච්චියා හොරෙන් මගෙ දිහා බලනවා ඒ කෙල්ල මෙයාගෙන් ඒවා මේවා අහද්දි.. මමත් ඉතින් සේරම අහගෙන එතනම හිටගෙන හිටියා අයියා බබාගෙ ඇගට මගෙ කකුලකුත් තද කරගෙන..