The Wife

Episode 08

    The Wife : Ep08 [សុំទោសផងណា៎....]

    ________

    “ ពួកយើងមកដល់យូរហើយ គ្រាន់តែពួកយើងមិនចង់ចូលទៅរំខានក្តីសុខរបស់លោកលឿនពេកនិងណា! ” ប៊ុមឃ្យូ ក៏តបទៅលោក ស៊ឹងវូ នឹងលោក ស៊ឹងឆេ វិញទាំងញញឹមយ៉ាងស្រស់ .

    “ តើពួកអ្នកប្រុសទាំងបួនត្រូវការអីពីខ្ញុំទៅ? ” លោក ស៊ឹងឆេ សួរទៅពួកគេវិញទាំងខំប្រឹងតាំងអារម្មណ៍ដើម្បីកុំអោយភ័យខ្លាច តែវាពិបាកនិងតាំងអារម្មណ៍ជាមួយនិងពួកគេណាស់ .

    “ អ្វីដែលយើងត្រូវការ...គឺជីវិតរបស់លោក! ខ្ញុំគិតថាខ្ញុំបានទុកឱកាសអោយលោកសប្បាយមកច្រើនហើយ វាល្មមដល់ពេលដែលលោកត្រូវស្លាប់ហើយ! ” ជេគគី និយាយទាំងដៃដកដាវដែរមានមុខមុតភ្លឺចិញ្ចាចចេញមក រាងតូចគេមិនចង់ប្រើកាំភ្លើងនោះទេគឺគេចង់ប្រើដាវម្ដង ព្រោះធ្លាប់ប្រើកាំភ្លើងរាប់សិបដងមកហើយ ម្តងនេះគេចង់ប្តូររសជាតិខ្លះ .

    “ តើ....តើខ្ញុំធ្វើអ្វីខុសទៅ? ហេតុអ្វីក៏អ្នកប្រុសទាំងបួនចង់សម្លាប់ខ្ញុំបែបនេះទៅវិញ? ” លោក ស៊ឹងវូ គាត់និយាយទាំងភ័យញ័រខ្លួនតតាក់ដូចជាកូនចាបធ្លាក់ទឹកចឹងនៅពេលដែលឮ ជេគគី និយាយថាចង់បានជីវិតរបស់គាត់ ហើយគាត់ថែមទាំងមិនទទួលស្គាល់កំហុសដែរខ្លួនឯងបានប្រព្រឹត្តទៀតផង ថាគាត់នេះបានធ្វើអ្វីខ្លះដាក់លោក វីស្ទិន ក្លូរីអាណា ដែលត្រូវជាឪពុករបស់ពួកគេទាំងបួន .

    “ ហឹស!ពួកលោកនៅតែមិនដឹងថាខ្លួនឯងបានធ្វើអ្វីខ្លះទៀត? ” ស៊ូប៊ីន ក៏និយាយទាំងសើចហួសចិត្តបំផុត ធ្វើខុសហើយនៅមិនព្រមទួលកំហុសទៀត! .

    “ រឿងនេះខ្ញុំនឹងបង ស៊ូប៊ីន ក៏ធ្លាប់មកដាស់តឿនពួកលោកម្តងហើយមិនចឹងហ្អែ? ហេតុអីក៏ឆាប់ភ្លេចយ៉ាងនេះចឹង? ” ហ្វីលិក្ស គេក៏ហួសចិត្តមិនខ្សពី ស៊ូប៊ីន ប៉ុន្មានដែរ .

    “ ពួកលោកចង់ឲ្យពួកខ្ញុំរំលឹកលោកពិតមែន? ” ជេគគី និយាយបណ្តើរដើរមករកលោក ស៊ឹងវូ នឹងលោក ស៊ឹងឆេ បណ្តើរព្រមទាំងបាញ់ខ្សែភ្នែកកំណាចទៅកាន់គាត់ទៀតផង ព្រោះតែអម្បាញ់មិញគេអង្គុយនៅលើកៅអីដែរមាននៅទីនោះ .