فساد القلب ◇ 1_2 ◇

بارت 3

شروط بارت

١٠٠ ك
١٠٠ ن

إيار " اي دقيقه "

فتح الباب وجان ( كان ) نوح ابتعد عن الباب وكال " تفضل نوح عاش من شافك"

دخل نوح وهو يكول " والله شغل حقك عليه بس بالي يمك حتى من اريد اتصل تطلعلي الف شغله "

دخلوا لصاله ( غرفه الجلوس ) وكال إيار " معذور يا الغالي اعرفك واعرف ضروفك "

كعد( جلس ) نوح بينما راح إيار وحط الاكل ب صينيه ورجع حطه ( وضعه ) كدام ( امام ) نوح وكال " اجيت بوكتك ( وقتك ) "

ضحك نوح وكال " اكلت يا اخوي رحمه الله على والدتك الطيبه "

إيار ب اصرار " ما اكل والله اذا ما تمد ايدك وتاكل وياي "

نوح بشقه ( مزح ) " اوف منك بالعناد محد يلحكك "

إيار " ما تريد تعرف شصار وياي "

نوح ب اهتمام " اكيد اريد اصلا جنت ( كنت) راح اسئلك "

إيار " ولك رحت وشفت بيتهم ولك قصر مو بيت من بره يخبل ( يعني جدا حلو ) بس حديقته فد ال 1000 متره وكفت وكلت بنفسي هما عايشين بالعز وجاه والترف هذا واني اكل ما لاكي ( لاقي ) اكل حسيت فد غضه بقلبي واختنكت بس استجمعت نفسي ورحت دخلت عليهم وحجيتلهم اني ابنكم طبعا ما اكلك ولا تكلي ما صدكوا وانطيتهم ورقه التحليل وهم ما صدكوا اخذوني لمختبر ويه اخوي مراد ها صدك طلع عندي اخو المهم سويت تحليل والمفروض هسه استلموه "

نوح ب انفعال " ولك ليش كاعد ومكابلني ( مقابلني ) روح الهم "

إيار " لا مو هسه العصر اروح خلي يشوفون حل راح تنكلب الدنيا من يعرفون اني احجي صدك اريد من اروح يكونون هادئين علمود اعرف اخذ حقي "

وافقه نوح وكال " كلامك صح زين وابوك شنو رد فعله هو هم نكر "

إيار " طلع ميت " تغيرت ملامحه وكال " ما اكدر امثل عليك اني من سمعت هذا اجتني غصه بقلبي حسيتني وحدي بالدنيا لا اب ولا ام ولا اخ ولا اخت لا عم ولا خال ما ادري ليش جنت اتمنى انو عايش رغم كل الي سواه بيه وب امي اكرهه بس ما جنت اتمنا يكون ميت تفتهمني مو "

نوح بحزن " افتهمك وما الومك بس اني اخوك لا تكول انت وحدك "

نوح متفهم مشاعر إيار مهما كان ابوه مو زين بس شعور انك يتيم وحيد قاسي ويوجع ، جان ممكن يصير بينهم عتب ممكن يكرهه بس بنهايه هو ابوه الابو سند بعد موته الضربات تصير اوجع

عاد ايار لبروده وغير موضوع وكال " تتوقع شنو رد فعلهم على تحاليل "

نوح " والله خويه ما اجذب عليك ما اتوقع خير وخايف عليك منهم "

إيار ب ضيجه ( انزعاج ) " اني ما رايد منهم شيء لا اريد ياخذوني بالاحضان ولا يطبطبون على جروحي اريد بس فلوس اعيش بيها ولا ارويهم وجهي ولا يراوني وجهم اجفيهم ( اجنبهم ) خيري وشري "