شروط بارت ١٠٠ كومنت
بعد صراع من الافكار خلته ما يكدر ( يقدر ) ينام الليل نهض من فراشه ( سريره ) فرك عينه الي تاذي من السهر راح ل الحمام قرر ياخذله دوش يريح عقله الي راح ينفجر شغل ماي فوكاه وكف تحته وكال بصوت هادى " اذا ما راح تموتني الدنيا راح يموتني التفكير "
كعد بالكاع ( الارض ) وضم جسمه لبعضه محتضن رجليه ( ساقه ) حط راسه على رجليه وكعد يهدء نفسه ويكول " خلي نروح واذا ما عجبنا نرجع ميحتاج نكبر الموضوع بدل ما كل يوم تحير شنو تاكل هناك الاكل اشكال بدل ما ترجع تنام على فراشك الي جنه حجاره ( مثل ) ترجع تنام على فراش مثل الحرير بدل ما تعيش وحيد هنا ومحد الك غير الحيطان ( الجدران ) عندك اخوه هناك وابناء عم ما خسران شيء جرب "
كمل حمامه وطلع لبس ملابسه ومشط ( سرح ) شعره رش من عطره وكعد يدور عن جنطه ( حقيبه ) يحط بيها غراضه القليله لحد ما لكه ( لقى ) وحده بغرفه امه
وكف هناك باوع على جربايه ( السرير ) ترك الجنطه ( الحقيبه ) على جهه واقترب من السرير من وفاة والدته وهو ما دخل لهاي الغرفه ابدا تمدد على سريرها واحتضن مخدتها ( وسادتها ) بقوه كانو يحاول يشم عطرها
بدون ارداه منه انهار فجئه والقوه والبرود الي جان يكتسي صار ثكيل ( ثقيل ) على كاهله ( جسده ) احتضن المخده بقوه وسمح لدمعاته تنزل نادر ما يسمح لنفسه يبجي ( يبكي ) كل الهموم متكدسه ( متجمعه ) على گلبه ( قلبه )
كال بعتاب " ليش عفتيني ضايع جان اخذتيني وياج يعني بس تجيبني لدنيا وتشردين (تهربين ) وتعوفيني شلون انطاج ( اعطاكي ) گلبج ( قلبج) تجيبني لدنيا ما عرفتي توكعيني ( تسقطيني ) ما حاولتي ما كلتي هذا الطفل ماله اي ذنب حرام اجيبه لعذابه ضايع وحدي يمه ضايع ومحد الي اني وحدي اواجهه الدنيا وحدي اوكف بينهم يمه ادري بيج تسمعيني يمه ياليتج موتيني ولا عفتيني هيج وحدي يتيم بالدنيا يمه ياليتج اخذتي روحي وياج يمه تعالي طبطبي على جروحي يمه نيمني ب حضنج ( احضانك ) وغنيلي دللول يا الولد يا ابني دللول ( تهويده ل الاطفال ) مثل ايام كبل ( قبل ) تذكرين من جنت صغيرون وارجع من شغل ايدي مجرحه من التعب تاخذيني وتسبحيني ( تحممه ) وبعدين تحطيني ( تضعيني ) ب احضانج وتغنيلي لحد ما انام محتاجج امي محتاجج ( احتاجك ) مو حلو شعور اليتم يمه مو حلو يكسر الظهر ، واني لا ابو ولا ام يمه ضلي وياي ولا تعوفيني "
طلع كل شيء بقلبه كل شيء ما كدر يكوله ل امه وهي بفراش الموت كل عتب الي بقلبه لانها جابته لدنيا وعافته وحيد مسح دموعه بخشونه وشاف اكو صوره قديمه اله ويه امه اخذها وبقه يتامل ملامح امه
اخذ جنطته والصوره وطلع دخل لغرفته وحط هدومه ( ملابسه ) الي تنعد على الاصابع عطره وفرشه الشعر مالته ودخل لحمام واخذ شامبو مالته وفرشه اسنانه شاحنته وتلفونه
