طلعوا الكل لمدينه اللعاب الشباب والبنات طبوا لوحده من مدن الالعاب جان اكو نفور قوي بين الكوبلات
ايار راح ويه اركان ، ومنار ويه مراد وجهاد ، خالد ويه ايار ، وغياث ويه ادهم واركان ، بس بنات جانن يمشن سويه طبعا محوطيهن من كل جهات
( ما اعرف نظام مدينه اللعاب هناك بس راح نعتمد نظام الكونز يعني ننطي فلوس ينطون مثل قروش او عملات معدنيه تلعب بيهم )
وكف منار واخذ اله ولخواته ولميران انطه كل واحد بيهم خمس قروش وكال " نخلصهم وناخذ بعد "
جاب جهاد كونز وانطه ل امنه وميران وكال " احم لا تصرفون مال منار تصرفون مالاتي "
ضحكت امنه على غيره جهاد ، كلهم اخذوا الكونزات وبدوا يفترون ويباوعون ل الالعاب لحد ما كال منار " يلا اختاروا بشنو نصعد "
علياء " سفينه "
جهاد " سكه الموت "
ايار " ديسكفري "
نرجس " سيارات تصادم "
مراد " اوكفوا واحد واحد اول منو يصعد سفينه "
كلها رفعت ايدها انطلقوا لسفينه كلهم كعدوا ب اماكنهم منار ما كعد وياهم كعد بصف نرجس وامنه جهاد ، ومراد كعد بصف عائلته وبقوا الشباب الي اختاروا بدايه السفينه
بدت تشتغل وبدا الحماس كل ما زادت السرعه زادت صرخاتهم وضحكهم وفجئه بدوا الكل يغنون وتفاعلوا وياهم وبدوا يغنون وياهم
نزلوا من اول لعبه بعد جوله من الاستمتاع وكال منار " يلا سيارات التصادم "
كلها وافقت دخلوا بالسره حاجه منار ابو لعبه وكله انو يريد يكونون كلهم سويه وافق ابو لعبه ودخلهم سويه كل واحد بيهم اخذ سياره
تفاجئ ايار بهذا الجزء من منار ما جان يتوقع انو منار،ممكن يكون مرح او يلعب او يسوي هاي الاشياء
بدت اللعبه وجان منار يركض بسيارته وره ايار وكل شوي يضربه ويبتسم ضاج ايار كانو ماكو غيره باللعبه وحاول يردها لمنار والظاهر مو بس،هو ايار اجه من اليمنه ومراد من اليسره وضربوا منار بقوه وضلوا يضحكون
خالد جان يريد يضرب الكل بدا يلحك واحد واحد ويضربه ، بينما الي ما يعرفون يسوقون كل شوي مضروبين بالجدار مال لعبه واكو الي ما تحركوا واكو الي يرجعون ليوره بدل ما يمشون ليكدام شبعوا ضحك ( اي واحد انتم اني الي ما يعرف يسوق 😂 ومن اتعلم اضرب الكل واحد واحد )
نزلوا وحسوا بالدوخه لذلك كعدوا راح منار وجهاد واشتروا لكل عصير ورجعوا وصل منار ل ايار الي خلاه اخر واحد ولزم عصيره ب ايده واقترب منه مد ايار ايده علمود ياخذ عصيره بس منار ابتسم بخبث وكل ما حاول ياخذه يؤخر ايده
