فساد القلب ◇ 1_2 ◇

بارت 7

شروط بارت ١٠٠ كومنت

نزل كل من ايار ونوح ل المول دخلوا ل اول مول وكال ايار " اريد اخذلي كم قطعه ملابس تعرف بيه كلشي ما عدي وانت هم نوح اخذ الي تريده انطوني فلوس ولا تستحي من اخوك " .

نوح برفض " لا يا اخوي نشتري الك "

حط ايار ايده السليمه على جتف ثاني وكال " بروح ايار اذا تعزه ذره لا ترفض واشتري الي تريده "

ما كال نوح شيء ايار سكته واثنينهم يعرفون شنو يعنون لبعض ، اول شيء سواه ايار سحب فلوس من اول حواله شافها ( يعني الي يحطون بيها كارت تطلع فلوس مدري شنو اسمها صراحه )

وبعدين بدوا يفترون بين ملابس شاف ايار انو ثاني مستحي انو يطلب منه ف بدا يشتري اله ولنوح نفس الشكل اشترى قطع هواي وتعمد يكون لبسه شبابي ومقطع وب اللوان جريئه وما اهتم ل منار

كملوا بعد اكثر من ساعتين واشتروا هواي اشياء من رجعوا راحوا لكهوه الي متعودين يكعدون بيها اخذوا طاولتهم وكعدوا كال نوح " عاجبني اركان "

التفت ايار اله وكال " نوح ما تبطل ميولك هذا "

نوح " لو بيدي جان بطلت هو مو مرض واخذ علاج اني هيج انخلقت من اني وطفل ما فد مره عجبتني بنيه اني شسوي ايار شسوي لنفسي شسوي كلي "

ايار " اعرف بس مو اركان ذوله ناس احنا ما نكدر عليهم "

نوح " كل ما اكلك فلان تكلي مو هو "

ايار " اصبر يا اخوي "

نوح اقترب من ايار وكال بحزن  " ايار اني مو نيتي جنس اني اريد واحد احبه ويحبني اريد واحد يفتهمني ويتقبلني مثل ما اني "

ايار بضيجه ( ب انزعاج ) " مو اركان نوح مو اركان لا هو مثلنا ولا احنا مثله انسه شوفلك غيره ولا انت تكدر توفرله الحياة والرفاهيه الي هو عايش بيها وجوز ( ممكن ) تسبب بموته اذا صار بينكم علاقه ثم جوز هو ما يقبل "

انزعج نوح وسكت حط ايار ايده على فخذ ثاني وكال " لا تنزعج مني اني من اكولها لان انت صديق روحي واني ما اريد يصير بيك شيء كوه طلعنا من ذيج الايام السوده الي عشناها متت خوف عليك لا تخوفني هسه خلي كلشي طبيعي وهو كل شيء يصير  بوكته "

هز نوح راسه ب تفتهم وكال " اوك ما ضايج منك "

صفن ايار واجه باله شوي من ذكرياته ...

ايار بعمر ال 14 بعد رجعته من شغل طب لبيت فرحان وصاح " يمه وينج امي "

طلعت غاده وابتسمت وكالت " ايار هلا بيك امي "

اجه ايار واقترب وكال " شوفي شنو جبتلج اليوم  "

انطاها العلاكه ( كيس نايلون ) باوعت بداخله صحن صغير بيه كيمر( قيمر )  عرب باوعلته وكالت " بيش اخذته هذا "